-
2019-04-02 17:00
მორიგი ტურის მატჩები გაიმართა NBA-ში.
ბოსტონ სელტიკსმა მაიამი ჰიტს უმასპინძლა და 110-105 დაამარცხა. პირველ მეოთხედში ბოსტონმა დიდი უპირატესობა მოიპოვა, რაც საბოლოოდ გამარვებულის გამოვლენაში გადამწყვეტი ფაქტორი აღმოჩნდა. შეხვედრის საუკეთესო მოთამაშე მაიამის ლიდერი გორან დრაგიჩია, რომელიც გუნდს 30 ქულით, 5 პასითა და 1 მოხსნით დაეხმარა.
ნიუ იორკ კნიქსმა ჩიკაგო ბულზი მიიღო და მორიგი გამარჯვება მოიპოვა. შეხვედრა მასპინძელთა სასარგებლოდ 113-105 დამთავრდა. დევიდ ფიზდელის შეგირდებმა პირველივე მეოთხედში დიდი უპირატესობა მოიგეს, რამაც მასპინძელთა გამარჯვებაში დიდი როლი ითამაშა. შეხვედრის საუკეთესო მოთამაშე ჩიკაგოს კალათბურთელი რობინ ლოპესია, რომელმაც თავი 29 ქულით, 2 პასით და 7 მოხსნით გამოიჩინა.
დაძაბული და საინტერესო გამოდგა ფენიქს სანსისა და კლივლენდ კავალიერსის მატჩი, რომელიც 122-113 დამთავრდა. ფენიქსი თითქმის მთელი შეხვედრის მანძილზე უპირატესობას ფლობდა და მატჩიც ლოგიკურ გამარჯვებამდე მიიყვანა. რაც შეეხება მატჩის საუკეთესო კალათბურთელს, ეს დევინ ბუკერია, რომელმაც აქტივში 25 ქულა, 13 პასი და 3 მოხსნა მიითვალა.
დანარჩენი მატჩებიდან ინდიანა პეისერსმა დეტროიტ პისტონსი 111-102 დაამარცხა, მორიგი მატჩი მოიგო მილოუკი ბაკსმა, რომელმაც ბრუკლინ ნეთსს სტუმრად 131-121 მოუგო, 121-109 დასრულდა ტორონტო რაპტორსისა და ორლანდო მეჯიქის შეხვედრა, 122-132 დასრულდა მინესოტასა და პორტლანდ ბლეიზერსის მატჩი, დალას მავერიქსმა ფილადელფიას 122-102 მოუგო, ხოლო იუტა ჯაზისა და შარლოტ ჰორნეთსის თამაში 111-102 დამთავრდა.