2013-12-09 19:19

უკრაინის შსს-ს პრესსამსახური აცხადებს, რომ კიევის ცენტრში შეკრებილი დემონსტრანტები, თითქოსდა მოსალოდნელი შტურმისგან თავდასაცავად შეიარაღებულ რაზმებს ქმნიან.

„შეიარაღებაში“ შსს ნიჩბების ტარებსა და სხვა საგნებს გულისხმობს.

შსს- პრესსამსახურის განცხადებაში ნათქვამია, რომ უკრაინის რადას დეპუტატების ცნობით, „ე.წ. თავდაცვითი მოქმედებებისთვის მომიტინგეებს ურიგებენ ნიჩბის ტარებსა და  სხვა საგნებს, რაც, შესაძლოა, გამოიყენონ სხეულზე დაზიანების მისაყენებლად“.

მილიცია აფრთხილებს მოქალაქეებს, რომ მსგავსი ქმედებები მართლსაწინააღმდეგოა და ითვალისწინებს სისხლის სამართლებრივ პასუხისმგებლობას:

„სამართალდარღვევების შემთხვევაში მილიცია მოახდენს რეაგირებას მოქმედი კანონმდებლობის გათვალისწინებით“, - ნათქვამია განცხადებში.