2014-08-22 14:15

მსოფლიო საქველმოქმედო აქცია Ice Bucket Challenge-ის ფარგლებში საქართველოდან უკვე 11 000 ლარამდე თანხაა გადარიცხული.

როგორც commersant.ge-ს ინტერნეტ ჟურნალ „იდეა ჰაბის“ დამფუძნებელმა და საქართველოში აღნიშნული აქციის ინიციატორმა ლევან პაიჭაძემ განაცხადა, თანხების გადარიცხვა როგორც ბიზნეს კომპანიების, ისე ფიზიკური პირების მიერ აქტიურად მიმდინარეობს. 

მისი თქმით, თანხის მობილიზება 3 დღის განმავლობაში მოხერხდა.  როგორც პაიჭაძე აცხადებს, ბიზნეს კომპანიები აღნიშნული საქველმოქმედო აქციის ფარგლებში   გარკვეულ მარკეტინგულ სვლასაც ახორციელებენ, თუმცა ამით დიდი და კეთილი საქმე კეთდება.