მონაზონი ლეონ გელოვანი: არ მჯერა, რომ ქრისტე მიწისძვრებითა და მეწყერებით გამოუდგება საკუთარ ხალხს...

Image

მონაზონი ლეონ გელოვანი სოციალურ ქსელ „ფეისბუქში“ იმ საკითხის განხილვაში ჩაერთო, რომლის მიხედვითაც, ცალკეულ სასულიერო პირთა აზრით, დარიალის ხეობაში მეწყერი უფლის სასჯელი იყო, რომელიც კაზანტიპის ფესტივალის გამო საქართველოს მოევლინა.

 

„აფხაზეთის ხმა“ თავაზობთ ამ საკითხზე მონაზონ ლეონ გელოვანის მოსაზრებებს, რომლებიც მან სტატუსებსა და კომენტარებში ჩამოაყალიბა. ბერი ლეონი ეკლესიის წარმომადგენელთა ნაწილის იმ მოსაზრებებზეც მსჯელობს, რომლებიც უფლის საჯელსა და უფლის დაშვებას ერთმანეთისგან განასხვავებენ და წერს, რომ ვისაც ადამიანის თავისუფლება არ მოსწონს, პირველ რიგში, ღმერთს უნდა მოუწყოს აქციები, რადგან სწორედ ღმერთმა შექმნა ადამიანი თავისუფალი.

 

„ქრისტიანთა ღმერთი არ არის ის ღმერთი, რომელიც ჩასაფრებული აკვირდება ადამიანთა საქციელებს, რათა როგორმე საშინლად დასაჯოს ისინი... 

 

ქრისტიანთა ღმერთი არ არის ბოროტი, კაცთმოძულე...
ქრისტიანთა ღმერთს ადამიანთა სახით არ ჰყავს მონები, რომელთაც ნებისმიერ დროს დატანჯავს, არამედ ჰყავს შვილები - მეგობრები, რომლებიც უყვარს...
ქრისტიანთა ღმერთი არ არის ის ღმერთი, რომელიც ზეციდან იძლევა მიწისძვრების, წყალდიდობების, ქარიშხლების, ომების ბრძანებებს ადამიანთა ცოდვების გამო, არამედ ეს ის ღმერთია, რომელიც ადამიანად მოევლინა ადამიანებს, რათა მათი ცოდვები დაეთრგუნა.. 

 

ქრისტიანთა ღმერთი ეს ის ღმერთია, რომელმაც ჯვარცმით არა ტანჯვა, არამედ სიყვარული გვასწავლა...“

 

„ქრისტიანთა ღმერთისთვის არცერთი ადამიანი არაა პატარა და არცერთი დიდი, არცერთი ,,ერი" არაა პატარა და არცერთი დიდი... 

 

ქრისტიანთა ღმერთი ის ღმერთია, რომელსაც ყველა ადამიანი ერთნაირად უყვარს, რომელსაც ყველა ადამიანისთვის საუკეთესო უნდა, მათ შორის მათთვისაც კი, რომელთაც იგი არ უყვართ...“;

 

„უფლის ნებასა და უფლის დაშვებას შორის დიდი სხვაობაა.. უფალს ყოველთვის ყოველივე საუკეთესო სურს ადამიანისთვის.. 

 

ხოცვა-ჟლეტა, რა თქმა უნდა, არ არის უფლის ნება, არამედ უფლის ნება სწორედაც რომ ადამიანის თავისუფლებაა, რაც ხანდახან ასეთ ცუდ შედეგებსაც იწვევს..

 

უფალი არ მართავს ადამიანებს, ადამიანები მართავენ საკუთარ თავს... უფალს არ შეუქმნია რობოტები, უფალმა შექმნა საკუთრი ხატი და მსგავსი და მას თავისუფლება მისცა...

 

ალბათ ნებისმიერ ადამიანს შეუძლია მეორეს რჩევა მისცეს, გააფრთხილოს და ა.შ. მაგრამ ვისაც ადამიანის თავისუფლება არ მოსწონს, პირველ რიგში ღმერთს უნდა მოუწყოს აქციები...“;

 

 „ღმერთის ყოვლისშემძლეობა არასდროს შეზღუდავს ადამიანის თავისუფლებას და სწორედ ესაა ქრისტიანთა ღმერთის სიდიადე...

 

ბუნებრივი სტიქიები სხვადასხვა რამის გამო შეიძება მოხდეს...  არ ვიცი, საიდან ასკვნით რომ სტიქიური უბედურებები ღმერთის სასჯელია, საიდან ასკვნით რომ ქრისტიანთა ღმერთი ასეთი ბოროტი და შურისმაძიებელია..

 

რა თქმა უნდა ვიდავებთ ამაზე, მე ვარ და თავს ვუძღვნი იმ ეკლესიას, რომელიც ქრისტემ დააარსა ამქვეყნად, ქრისტემ, რომელმაც საკუთარი ჯვარცმით ღვთის უდიდესი სიყვარული დაგვიმოწმა ადამიანებს... არ მჯერა, რომ იგივე ქრისტე ახლა მიწისძვრებითა და მეწყერებით გამოუდგება საკუთარ ხალხს... ჩემი ეკლესია ამას ნამდვილად არ ქადაგებს!“, - წერს მონაზონი ლეონ გელოვანი.

რედაქტორის რჩევით

100K გამომწერი - ნინო ჩხეიძემ YouTuBe-სგან ჯილდო მიიღო

2021-09-24 18:32
ქართველმა მომღერალმა ნინო ჩხეიძემ YouTuBe-სგან ვერცხლის ჯილდო მიიღო.

2021 წლის ფილმების ტოპ 5

2021-09-13 18:26
გიზიარებთ 2021 წლის ფილმების ტოპ 5-ეულს, რომელიც ყველაზე მოთხოვნადია.

შეხვედრა ებრაელ მაყურებელთან - 30 სექტემბერს ისრაელში გრანდიოზული საღამო გელოდებათ

2021-09-10 13:09
ისრაელში, ქალაქ აშდოთში  მსმენელისა და მაყურებლის წინაშე მონატრებული ქართველი და ებრაელი...

ნინო ჩხეიძემ ჰოფბურგის სასახლეში კონცერტი გამართა

2021-09-01 19:00
მომღერალი ნინო ჩხეიძე დიდი ხნის პაუზის შემდეგ, ავსტრიაში საქმიანი ვიზიტით გაემგზავრა.
რჩეული ვიდეოები

CHANEL - ის 2021 წლის გაზაფხულის ჩვენება (ფოტო,ვიდეო)

2021-03-12 14:06
CHANEL - ის 2021 წლის გაზაფხულის ჩვენება

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

ხანძარი გემზე - ქართველმა მეზღვაურებმა ეკიპაჟის 12 წევრი გადაარჩინეს(ვიდეო)

2020-04-09 12:47
 ქართველმა მეზღვაურებმა ეკიპაჟის 12 წევრი გადაარჩინეს-ხომალდზე ხანძარი წუხელ გაჩნდა. სამაშველო...

გამოკითხვა

უნდა გაუქმდეს თუ არა ე.წ. კომენდანტის საათი?

კი - 8.3%
არა - 8.3%
გადაიწიოს 23:00 საათამდე - 83.3%
ხმების რაოდნობა: 12
ხმის მიცემა შეწყვეტილია !

ვალუტა

1
EUR
 - 
3.6439
0.0000
100
RUB
 - 
4.4075
0.0000
1
USD
 - 
3.1383
0.0000