„როცა საქართველოდან გადავიხვეწებით, იქნებ დაფიქრდეთ...“ - ღია წერილი სახელმწიფო დაცვის სამსახურის აჭარის სამმართველოს ხელმძღვანელებს

Image

„აფხაზეთის ხმას“ ღია წერილის გამოქვეყნების თხოვნით მიმართა ესმა შავაძემ, რომელიც, მისი თქმით, სახელმწიფო დაცვის სპეციალური სამსახურის აჭარის მთავარ სამმართველოში დამლაგებლად მუშაობდა და სამსახურიდან შეურაცხმყოფელი ფორმით დაითხოვეს, რის შემდეგაც განცხადება დაწერა.  წერილში ის დათხოვნის დეტალებზეც ჰყვება:

 

„ეს წერილი სახელმწიფო დაცვის სპეციალური სამსახურის აჭარის მთავარი სამმართველოს ხელმძღვანელებს, მერაბ ნაკაშიძეს, ალექსანდრე ნიკოდიმოვს და ვაჟა შარაძეს მრავალშვილიანი დედის, ერთი უბრალო დამლაგებლისგან ეძღვნება, რომელიც სამსახურიდან მხოლოდ და მხოლოდ იმიტომ გააგდეს, რომ  „გმირი“ ბედუკაძის მოყვანილი მთავრობა არ მოსწონდა.

 

ბატონებო, იქნებ რომელიმე თქვენგანს ერთხელ მაინც ამ ორი წლის განმავლობაში, დაძინების წინ გაგხსენებიათ , როგორ გაწირეთ მარტოხელა დედა უმუშევრობისთვის, თუმცა, ეჭვი მაქვს რომ არა, რადგან თქვენს სინდისს ხომ დიდი ხანია, სძინავს მარადიული ძილით, მაგრამ მე შეგახსენებთ თავს ისევ.

 

ბატონო ვაჟა, მე ის ესმა შავაძე ვარ, რომელსაც თქვენი თანამდებობაზე დანიშვნის დღესვე  გამოუტანეთ განაჩენი, თათბირზე შრომის კოდექსებზე საუბარი რომ არ აპატიეთ, თქვენთვის მოულოდნელი კითხვის გამო...

 

არ მაპატიეთ დამლაგებლისგან „შეუფერებელი“ აზროვნება. საბჭოურ მილიციაში ჩარჩენილებისთვის ხომ დამლაგებელი უბრალოდ ადამიანებში არ ირიცხება, ან ჩლუნგია და მერე რა, რომ არაფერი დამიშავებია და მარტოხელა დედა ვიყავი, თქვენივე სიტყვებს პერიფრაზის გარეშე შეგახსენებთ: „რა ვქნა, მერე, არ მაინტერესებს, „პროსტო“ გიშვებ სამსახურიდან”. ასე მიპასუხეთ ბატონო ვაჟა, კი,ზუსტად ასე და მერე დაამატეთ: "თუ შენით არ დაწერ პატაკს მე დაგიწერ ისეთ რაღაცას, ვერსად ვერასოდეს რომ ვერ დაიწყო სამსახური..."

 

ბატონო ალექსანდრე,  მე ის ესმა შავაძე ვარ, თქვენს კაბინეტში თხოვნით შემოსული უკან რომ გამიშვით თქვენთვის არაობიექტური და არასაკმარისი მიზეზის გამო, რასაც პატარა ბავშვების მარტო ყოფნა ერქვა. მე კიდევ ამაზე დიდი არგუმენტი არ მქონდა. თუმცა თქვენზე ნაკლებად ვბრაზობ, რადგან ეს ან ესმის ადამიანს, ან არა…

 

ნიკოდიმოვისგან განსხვავებით, ბატონო მერაბ, სიმართლის სათქმელად მოსული კაბინეტშიც კი  არ შემომიშვით, გაგახსენდებათ, ალბათ, აქ კი მე მესმის თქვენი, რადგან იცოდით, სიმართლეს დაგიმტკიცებდით, თქვენ კი საკმარისი ძალა არ გეყოფოდათ მოგესმინათ, მერე პასუხი გაგეცათ, თუნდაც იმ მარტივი თუ რთული მიზეზის გამო, რომ სამეტყველო ლექსიკა არ გაგაჩნიათ, ეს ხომ ყველამ ვიცით, რომ თქვენი თანამდებობა და ინტელექტი დიდ აცდენაშია, რომ არჩილ ხაბაძის ნათესაობა ინტელექტზე და განათლებაზე მაღლა დგას დღევანდელ სინამდვილეში.

 

დიახ, თქვენ ყველამ ერთად არ მაპატიეთ, რომ ჩემდა საბედნიეროდ, „თქვენიანი“ არ ვიყავი. მე კი თქვენთან ჭიდილს, დროს მივანდე ყველაფერი და უსიტყვოდ წამოვედი, მხოლოდ იმ იმედით, რომ ოდესღაც ჩემს სიმართლეს დავამტკიცებდი, დავამტკიცებდი რომ ქვეყანაში სადაც პრეტენზია გვაქვს დემოკრატიაზე, პოლიტიკური ნიშნით ადამიანები არ უნდა იდევნებოდნენ. იმ იმედით, რომ ოდესღაც ვინმეს გაუჩნდება სურვილი, გადახედოს რა ხდება „კულისებში“, გადახედოს თუ როგორ გაიწირა ჩემს გარდა კიდევ სხვებიც, ჩემსავით,იმავე მიზეზით!

 

თუმცა, დღეს ამას იმიტომ არ გწერთ, რომ თქვენგან, ან ვინმესგან რაიმე მოლოდინი  მაქვს, უბრალოდ როცა ძალიან მალე, საქართველოდან გადავიხვეწებით, ვინ იცის რამდენი წლით, მინდა თითოეულმა თქვენგანმა და თქვენისთანებმა საკუთარ თავს ერთხელ მაინც უპასუხოს - რატომ გარბიან ადამიანები საკუთარი სამშობლოდან.

 

ჩვენ კი, უცხო ქვეყანაში დაკარგულებს, იქ ყოფნას საკუთარი ქვეყნის სიყვარული და უკან დაბრუნების ფიქრი გაგვაძლებინებს...

 

ფიქრი და იმედი იმისა,  რომ ღმერთი სამართლის ურემს ყველგან ჩამოატარებს!..", - გვწერს ესმა შავაძე.

თემასთან დაკავშირებული მასალები:
რედაქტორის რჩევით

თამაზ ელიზბარაშვილი ძაღლთა თავშესაფარის გაჩუქებას გეგმავს

2020-09-08 11:39
ბიზნესმენი თამაზ ელიზბარაშვილი, სოციალურ ქსელ "ფეისბუქზე" განცხადებას ავრცელებს სადაც "ძაღლთა...

კორონავირუსის 45 ახალი შემთხვევიდან 5 თბილისში ფართომასშტაბიან ქორწილს უკავშირდება, 3-ის ინფიცირების წყარო უცნობია

2020-09-08 11:32
ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის ახალი...

საქართველოში კორონავირუსის 45 ახალი შემთხვევა დაფიქსირდა, რაც ქვეყნისთვის რეკორდულად მაღალი დღიური მაჩვენებელია

2020-09-08 11:31
საქართველოში კორონავირუსის 45 ახალი შემთხვევა გამოვლინდა და ინფიცირებულთა რაოდენობა 1729 გახდა.

ექსკლუზივი! ნაძალადევში მანქანას ცეცხლი გაუჩნდა

2020-07-27 11:37
ექსკლუზივი!ამ წუთებში როგორც "აფხაზეთის ხმისთვის" ხდება ცნობილი, ნაძალადევის რაიონში მანქანას...
რჩეული ვიდეოები

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

კნუტების გასეირნება ჯორჯიის ცარიელ აკვარიუმში(ვიდეო)

2020-04-10 12:52
აშშ-ში, კორონავირუსის გამო დახურული ჯორჯიის აკვარიუმი ცხოველებისთვის ექსკურსიების მოწყობას...

ხანძარი გემზე - ქართველმა მეზღვაურებმა ეკიპაჟის 12 წევრი გადაარჩინეს(ვიდეო)

2020-04-09 12:47
 ქართველმა მეზღვაურებმა ეკიპაჟის 12 წევრი გადაარჩინეს-ხომალდზე ხანძარი წუხელ გაჩნდა. სამაშველო...

გამოკითხვა

როგორ შეაფასებთ სახელმწიოფოს მუშაობას "კორონა ვირუსისი" წინააღმდეგ?

დადებითად - 44.4%
უარყოფითად - 55.6%
ხმების რაოდნობა: 9
ხმის მიცემა შეწყვეტილია !

ვალუტა

1
EUR
 - 
3.8812
0.0520
100
RUB
 - 
4.2875
0.0157
1
USD
 - 
3.3332
0.0435