-
2014-01-28 14:16
დაახლოებით დილის 05:30 საათზე თბილისში, ქავთარაძის ქუჩის მიმდებარე ტერიტორიაზე, სასაფლაოსთან, სროლის ხმა და ხმამაღალი საუბარი ისმოდა, რის შემდეგაც ადგილზე საპატრულო პოლიციის რამდენიმე ეკიპაჟი გამოცხადდა.
შემთხვევის თვითმხილველთა ინფორმაციით, ხმამაღალი საუბარი ადგილზე პოლიციის მისვლის შემდეგაც გაგრძელდა. სასაფლაოსთან მივიდნენ კრიმინალისტებიც.
„აფხაზეთის ხმამ“ ინფორმაცია შსს-ში გადაამოწმა. შსს-ს პრესსამსახურში აცხადებენ, რომ აღნიშნულ ადგილზე ცეცხლსასროლი იარაღის უკანონო შენახვისა და გასაღების ფაქტზე ორი პირი აიყვანეს, ხოლო ინფორმაცია იმის შესახებ, რომ სროლის დროს ვინმე დაშავდა, სინამდვილეს არ შეესაბამება.