პროექტი „ცეკვავენ ვარსკვლავები“ თავისი მთავარი დანიშნულების მიღმაც აქტუალურია, რისი მიზეზიც ამ პროექტში შექმნილი ოჯახებისა და დაშორებული წყვილების სკანდალური თავგადასავლებია.
გიგი გაჩეჩილაძისა და სალომე ჭაჭუას სიყვარულზე ლეგენდები დადიოდა და ვინ წარმოიდგენდა, რომ ერთ დღეს სალომესა და გიგის რვაწლიანი სასიყვარულო ურთიერთობა დასრულდებოდა.
გიორგი ვარდოსანიძე და სალომე ჭაჭუა მეორე სეზონზე წყვილში ცეკვავდნენ. მართალია, დღემდე ამტკიცებენ, რომ ერთმანეთი პროექტში არ შეჰყვარებიათ, მაგრამ ფაქტია, რომ ცეკვის დროს გაიცნეს ერთმანეთი. საბოლოოდ, სალომე გიგის დაშორდა და ცოლად გიორგის გაჰყვა.
მოცეკვავე ანი ჯაჯანიძე მეუღლეს პროექტის მესამე სეზონში მონაწილეობისას დაშორდა. „არის ერთი სერიოზული მიზეზი, რის გამოც დავშორდით...“ – განაცხადა ჯაჯანიძემ. მოცეკვავე ამჟამად შეყვარებულია. მართალია, მის ვინაობას არ ასახელებს, მაგრამ ამბობენ, რომ ანის ახალი სიყვარული ასევე მოცეკვავე იაკობ ყუფუნიაა.
მეოთხე სეზონზე ყველაზე სკანდალური მაინც გიორგი ყიფშიძისა და ჯულიანა ბარ-გნარის ურთიერთობა აღმოჩნდა. გიორგის მეუღლე ანი ჩიკვილაძემ დაადასტურა, რომ გიორგისთან აღარ ცხოვრობს. ჯულიანა კი აცხადებს, რომ ბედნიერია.
მესამე სეზონის ერთ-ერთმა ფინალისტმა თაკო ჩორგოლაშვილმა პროექტის დასრულების შემდეგ „იმედის“ დილის ეთერში წამყვანად გადაინაცვლა. თაკოსთვის „ცეკვავენ ვარსკვლავები“ კარიერული თვალსაზრისით წარმატებული აღმოჩნდა, რასაც ვერ ვიტყვით პირად ცხოვრებაზე. უკვე რამდენიმე თვეა, მეუღლეს დაშორდა და მასთან არანაირი ურთიერთობა აღარ აქვს.
მეოთხე სეზონის მიმდინარეობისას მეუღლეს დაშორდა პროექტის პროდიუსერი ნოე სულაბერიძეც. გაყრაზე განცხადება ტელეჟურნალისტმა ეკა სამხარაძემ შეიტანა. ნოეს პირად ცხოვრებაზე საუბარი არ უყვარს და ამ თემაზე კომენტარი არ გაუკეთებია, თუმცა ფაქტია, წყვილი დღემდე არ შერიგებულა.
ბოლო სეზონის ფინალისტი მოცეკვავე მზია ორველაშვილი უკვე ორი წელია, პროექტის ქორეოგრაფ საშა ოხრიმენკოზეა დანიშნული. წყვილი ერთად ცხოვრობს და ქორწილსაც მალე გადაიხდიან.
ბევრს ლაპარაკობენ ბოლო სეზონის გამარჯვებულ მარიამ კუბლაშვილისა და ვიქტორ ბურჭულაძის წყვილზეც. ფინალში მოგებული ბინა მარიამმა ვიქტორს გაუყო - სახლს გაყიდიან და ფულს გაინაწილებენ. რუსეთში გასამგზავრებლად გამზადებული ვიქტორ ბურჭულაძე საქართველოში დარჩა. როგორც ამბობენ, ამის მიზეზი მარიამის მიმართ გაჩენილი სიმპათია გახდა.
http://www.reitingi.ge/ise/2547-cekvaven-varskvlavebshi-dashorebuli-da-sheyvarebuli-tsyvilebi.html?lang=ka-GE