-
2014-07-16 14:35
მომღერალ ბესიკ კალანდაძის ყოფილი მეუღლე, ციცინო შურღაია უახლოეს მომავალში სასამართლოში სარჩელის შეტანას აპირებს და მოითხოვს ბესო კალანდაძემ ბრალდებები უარყოს.
„ბესო კალანდაძე 7 წელია ჩივის, მე არასდროს მიჩივლია მისთვის, მაგრამ უკვე ძალიან გავიდა თავს, ამიტომაც გადავწყვიტე მის გასაჩერებლად რაღაც ზომები მივიღო.
ბესო კალანდაძე ყოველთვის ამბობს, სანამ ცოცხალი ვარ, ამ საქმეს არ შევეშვებიო, ახლა მის წინააღმდეგ მე შემაქვს სარჩელი, მან ბევრი რამ უნდა უარყოს.
პირველ რიგში ის, რომ სისხლის სამართლის დამნაშავე ვარ, რომ მას პრედნიზოლონით ვწამლავდი, ასევე ის, რომ მოსკოვში ვიღაცეებს ფულს ვაძლევდი, რის სანაცვლოდაც ბესო კალანდაძე ფედერალურ ძებნაში გამოაცხადეს. ასევე უნდა უარყოს, რომ მასზე პათოლოგიურად ვეჭვიანობდი, რომ მე ფსიქოპატი ვარ“, - აცხადებს ციცინო შურღაია.
ის, რომ ყოფილი მეუღლე სასამრთლოში ჩივილის აპირებს, ბესიკ კალანდაძე ინფორმაციას არ ფლობს.
„არ ვიცი, ეს თემა არ მაინტერესებს, თუ რას აპირებს, პასუხი მისგან მიიღეთ, რამდენიც გაუხარდება, იმდენი იჩივლოს. ძალიან გთხოვთ, მეტი შეკითხვა აღარ დამისვათ.
გიჟი თავისუფალია, სასამართლომ ის ცილისმწამებლად ცნო. თავმოყვარე ადამიანისთვის ამაზე მეტი სირცხვილი რა უნდა იყოს? გიჟი რასაც დაწერს, ყველაფერზე რეაგირებას ვერ გავაკეთებ“, - განაცხადა კალანდაძემ.
„სარკე“