პროექტის „ცეკვავენ ვარსკვლავები“ გამარჯვებულის, მარიამ კუბლაშვილის დედა, მზია მაჩალიკაშვილი აცხადებს, რომ მარიამის პროექტში მონაწილეობას მისი ძმის მხრიდან დიდი პროტესტი მოჰყვა, რამაც ოჯახში სერიოზული კონფლიქტი გამოიწვია.
„თვიდან ვუმალავდით მარის ძმას ამ ამბავს, შესაფერის მომენტს ველოდი, რომ მეთქვა. მარის მეგობარს წამოსცდა ეს ამბავი. იმ ღამეს დიდი ომი დაიწყო ჩვენს სახლში. კარლო აფეთქდა.
ცუდ დღეში აქვს ნერვები, იმ ცნობილი მოჭიდავეების აქციაში მონაწილეობდა და მძიმე ორი წელი გაატარა ციხეში. ციხის ბუნტიც გამოიარა, ამდენად ძალიან ცუდი ხასიათი გაუხდა. სანამ ღამის ოთხ საათზე არ ვუთხარი, რომ მარი არ იცეკვებდა, ვერ დავაწყნარეთ.
გამოიყენებენო ამბობდა, უნდოდა მისი და საზოგადოებას სხვა კუთხით გაეცნო. იმ ღამეს მარი საძინებელში შეიკეტა. მეორე დღეს ჩაალაგა ჩემოდანი და წავიდა. ცალკე გადავიდა ქირით, იქ ვეღარ დარჩებოდა“, - აღნიშნა მზია მაჩალიკაშვილმა.
„რეიტინგი“.
