სკანდალი: „ევროვიზია-2014“-ზე კომისიამ საქართველოს ჟიურის წევრების ხმები გააუქმა

Image

როგორც ცნობილი გახდა, ხმის მიცემის წესების დარღვევის შესახებ საფუძვლიანი ეჭვის გამო „ევროვიზია-2014“-ის კომისიამ გააუქმა საქართველოს ჟიურის ექვსკაციანი შემადგენლობის ხმები და საქართველოდან მიღებულ ხმებად მხოლოდ სატელეფონო შეტყობინებით მიღებული ხმები ჩაითვალა.

 

ამის შესახებ შვედური პრესა წერს. ინფორმაცია განთავსებულია „ევროვიზიის“ ოფიციალურ ვებ-გვერდზეც. ინფორმაციის მიხედვით, კომისიის ეჭვი გამოიწვია იმ ფაქტმა, რომ საქართველოს ჟიურის წევრებისგან მიღებული ხმები, ზრდადობის მიხედვით, დაემთხვა იმ მონაცემებს, რომლებიც ხმის მიცემის მომენტისთვის, რეალურ დროში იყო დაფიქსირებული.

 

შეგახსენებთ, რომ საქართველოდან მიღებული ხმები ევროვიზიის ფინალურ კონკურსზე ასე გადანაწილდა: უმაღლესი, 12 ბალიანი შეფასება საქართველოსგან სომხეთის წარმომადგენელმა დაიმსახურა, მომავალმა გამარჯვებულმა, კონჩიტამ, 10 ბალი მიიღო და რუსეთის მიერ წარმოდგენილი ტყუპი დები საქართველოსგან 8 ბალით დასაჩუქრდნენ.

 

"ევროვიზიის" ოფიციალურ ვებგვერდზე მითითებული ინფორმაციის მიხედვით, საქართველოს ნაციონალური ჟიურის წევრები არიან გიორგი კუხიანიძე, მიხეილ ჭელიძე, ნათია ხოშტარია, ნინო ჩაჩავა და ნანა დაუშვილი.

 

„აფხაზეთის ხმა“ დაინტერესდა, რა მოხდა „ევროვიზიის“ ფინალურ კონკურსზე და რატომ ჩაითვალა ანულირებულად საქართველოს ჟიურის მიერ მიღებული ხმები. „აფხაზეთის ხმა“ დაუკავშირდა „საზოგადოებრივი მაუწყებლის“ საზოგადოებრივ საქმეთა დეპარტამენტის ხელმძღვანელს თინათინ ბერძენიშვილს.

 

მისი თქმით, ქართული ჟიურის ხმები მხოლოდ ფინალში ანულირდა, თუმცა ამას გადამწყვეტი მნიშვნელობა მაინც არ ჰქონდა, რადგან ევროვიზიაზე კონჩიტამ დიდი უპირატესობით გაიმარჯვა.

 

თავად მიზეზი, რის გამოც ჟიურის შეფასება არ ჩაითვალა, ქართული მხარისთვის ჯერ ცნობილი არ არის:

 

„გიდასტურებთ ამ ინფორმაციას, რომ ქართული ჟიურის ქულები არავალიდურად ჩაითვალა, თუ რა გახდა ამის მიზეზი ჯერ არ ვიცით, ჩვენ მივმართეთ ამ შეკითხვით ,,EBU-ს“ და ველით პასუხს, თუმცა მსგავსი შემთხვევა სხვა ქვეყნებთან მიმართებაშიც ყოფილა, არ ვიცი, რა არის ახლა კონკრეტული მიზეზი, თუმცა, შესაძლოა, ეს ტექნიკური ხარვეზიც იყოს.

 

მაგალითად, თუ ჟიურის ხუთივე წევრი, რომელიმე კონკურსანტს უწერს 12 ქულას , შეფასებისას გათვალისწინებულია, ის ფაქტი, რომ არ შეიძლება ხუთივე ერთნაირად ფიქრობდეს, არ ვიცი კონკრეტულად ეს შემთხვევა მოხდა თუ არა, მაგრამ ფაქტია, რომ ,,გაქენსელდა“ ჟიურის შეფასება და მხოლოდ სმს–ებმა გადაწყვიტა , სმს–ები კი ჩვენთვის კონფინდენციალურია, თუმცა ,,EBU“-ს ობიექტურობაში ალბათ ეჭვი არავის ეპარება.“– ამბობს „აფხაზეთის ხმასთან“ თინათინ ბერძენიშვილი. 

რედაქტორის რჩევით

რომელი ქართველი ვარსკვლავის შვილია გოგონა, რომელიც ჰოლივუდის მსახიობ - ენ ჰეთეუეის ძალიან ჰგავს

2021-12-06 13:43
ბოლო დროს, ტაბლოიდები აქტიურად ალაპარაკდნენ მომღერალ, ნინო ჩხეიძის ქალიშვილის - მარიამისა და...

"საქართველოს მოსახლეობის 60% უკვე კოვიდგადატანილია" - გიორგი ფხაკაძე საგანგაშო კვლევის შესახებ საუბრობს

2021-11-15 15:22
ჯანდაცვის ექსპერტი, გიორგი ფხაკაძე სოციალურ ქსელში საგანგაშო კვლევის შესახებ საუბრობს და...

"მოითხოვეთ პირდაპირი ეთერი" - ნანუკა ჟორჟოლიანი მმართველი პარტიის მხარდამჭერებს მიმართავს

2021-11-15 15:01
ჟურნალისტი, ნანუკა ჟორჟოლიანი მხარდაჭერას უცხადებს მიხეილ სააკაშვილს და სოციალურ ქსელშიც აქტიურად...

100K გამომწერი - ნინო ჩხეიძემ YouTuBe-სგან ჯილდო მიიღო

2021-09-24 18:32
ქართველმა მომღერალმა ნინო ჩხეიძემ YouTuBe-სგან ვერცხლის ჯილდო მიიღო.
რჩეული ვიდეოები

ნინო ჩხეიძისა და ზურა ბარბაქაძის ახალი კოლაბორაცია - „წყაროზე“

2021-11-16 13:59
10 წლის შემდეგ, მომღერლების, ნინო ჩხეიძისა და ზურა ბარბაქაძის მუსიკალური დუეტი განახლდა გელა...

CHANEL - ის 2021 წლის გაზაფხულის ჩვენება (ფოტო,ვიდეო)

2021-03-12 14:06
CHANEL - ის 2021 წლის გაზაფხულის ჩვენება

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

გამოკითხვა

ეთანხმებით თუ არა ,,მწვანე პასპორტების" შემოღების იდეას?


ვალუტა

1
EUR
 - 
3.4813
0.0180
100
RUB
 - 
4.1561
0.0394
1
USD
 - 
3.0909
0.0058