2014-06-13 10:12

ამერიკის პრეზიდენტის ბარაქ ობამას განცხადებით, აშშ მზადაა სამხედრო მოქმედებებისთვის იმ შემთხვევაში, თუ საჭირო გახდა ერაყის ტერორისტებისგან დაცვა. ამის შესახებ "როიტერი" იუწყება. 

"მე არაფერს გამოვრიცხავ", – განაცხადა ამერიკის პრეზიდენტმა ერაყისთვის დახმარების ვარიანტებზე საუბრისას. მისი თქმით, ამერიკა დაინტერესებულია იმაში, რომ ერაყი ჯიჰადის მომხრეებისთვის პლაცდარმად არ იქცეს. 

"ამერიკა მზადაა სამხედრო მოქმედებებისთვის, როდესაც მისი ეროვნული უსაფრთხოების ინტერესი საფრთხის ქვეშ არის", – აღნიშნა ობამამ.

მისივე თქმით, არსებობს სამხედრო ზომები, რომელთა გამოყენება აუცილებელია ერაყში სამხედრო კუთხით და ამერიკაში ოფიციალური პირები ყველა ვარიანტს განიხილავენ.