დიდ ბრიტანეთსა და ნიდერლანდებში ევროპარლამენტის არჩევნები მიმდინარეობს. "ბიბისის" ინფორმაციით, ევროპარლამენტის არჩევნები ევროკავშირის დანარჩენ წევრ ქვეყნებში ოთხ დღეს გასტანს.
პირველი ხმის მიცემის უფლება სწორედ დიდი ბრიტანეთისა და ნიდერლანდების მოქალაქეებს მიეცათ. ამასთან, საერთო ჯამში, ხმის მიცემის უფლება 400 მილიონ ადამიანს აქვს. 2014-დან 2019 წლამდე პერიოდისთვის ევროპელები 751 დეპუტატს აირჩევენ.