იაცენუკი ჟენევის მოლაპარაკებათა ფორმატში რუსეთის ჩართვას დათანხმდა უკრაინის პრემიერ-მინისტრის მოვალეობის შემსრულებელმა არსენ იაცენუკმა, ქალაქ ნიკოლაევში გამართულ „მრგვალ მაგიდაზე“, რომლის მუშაობა რუსეთის ფედერაციამ დადებითად შეაფასა, აღიარა, რომ დღევანდელი სიტუაციიდან გამომდინარე, რუსეთთან ორმხრივი, პირდაპირი მოლაპარაკებების დაწყება შეუძლებელია.
„უკრაინა მზად არის ჟენევა-2 ფორმატისათვის, უკრაინა-ამერიკა-ევროკავშირისა და რუსეთის შემადგენლობით. თუმცა დასაწყისისათვის უნდა ვიცოდეთ, რაზე ვილაპარაკებთ. შეხვედრას, შეხვედრისათვის აზრი არ აქვს.“-ციტირებს უკრაინის პრემიერ-მინისტრს იტარ-ტასსი.
„მრგვალი მაგიდის“ შეხვედრაზე, უკრაინის დროებითი მთავორბის მეთაურმა ხაზი გაუსვა, იმ გარემოებას, რომ ბოლო პერიოდში რუსეთმა, უკრაინის წინააღმდეგ სამხედრო აგრესია განახორციელა, დაარღვია საერთაშორისო და ევროპული უსაფრთხოების ნორმები. მიუხედავად ამისა, იაცენუკის თქმით, უკრაინას სურს დაარეგულიროს „თანაბარი ურთიერთობები“ რუსეთთან“-განაცხადა იაცენუკმა.
