2017-04-02 13:31

კოლუმბიაში მეწყრისა და ღვარცოფის შედეგად 254 ადამიანია დაღუპული, მინიმუმ, 200 - უგზო-უკვლოდ დაიკარგა. კოლუმბიის არმიის ინფორმაციით, მეწყრის დროს დაღუპულია 254 ადამიანი, ქვეყნის პრეზიდენტმა ხუან მანუელ სანტოსმა განაცხადა, რომ დაღუპულია 193 ადამიანი.

დაშავებულია 400-მდე პირი. 

სტიქია ქვეყნის სამხრეთ-დასავლეთით, მოკოას დასახლებაში გადაუღებელი წვიმების შედეგად, მდინარეების ადიდებას მოჰყვა.

რეგიონში საგანგებო მდგომარეობაა გამოცხადებული, სტიქიის ადგილზე ჩავიდა ქვეყნის პრეზიდენტიც.

სალიკვიდაციო და სამძებრო-სამაშველო ოპერაციებში 1000 -მდე სამხედრო, მაშველი და სამართლამდაცველია ჩართული.