-
2016-03-09 01:29
უკრაინელი მფრინავის ნადეჟდა სავჩენკოს მხარდასაჭერად აქციები მისი სასამართლო პროცესის წინადღეს არამხოლოდ უკრაინაში და მის მეგობარ ქვეყნებში, რუსეთშიც გაიმართა.
მოსკოვში, საზოგადოებრივი ტრანსპორტის გაჩერებაზე უცნობმა პირებმა ნადეჟდა სავჩენკოს ბილბორდი გამოფინეს, მისი მხარდამჭერი წარწერით. ბილბორდი "სადოვოე კოლცოს" მიმდებარე ტერიტორიაზე იყო განთავსებული.
სავჩენკოს ორიგინალურად დაუჭირეს მხარი სანკტ-პეტერბურგშიც, სადაც მფრინავი უკრაინელი პარტიოტის მხარდასაჭერად ქუჩაში 30-დე ადამიანი გამოვიდა.
შეგახსენებთ, ნადეჟდა სავჩენკოს ბოლო პროცესზე მოსამართლემ ბოლო სიტყვის თქმის უფლება არ მისცა და სხდომა 9 მარტამდე გადადო. სავჩენკომ განაცხადა, რომ მისთვის ბოლო სიტყვის ჩამორთმევას უფლების დარღვევად აღიქვამს და მშრალ შიმშილობას იწყებს.
დღეს მასთან საკანში უკრაინის კონსული და საკონსულოს წარმომადგენლები შეუშვეს, რომლებმაც განაცხადეს, რომ სავჩენკოს ჯანმრთელობის მდგომარეობა გაუარესებულია. ამასთან, სავჩენკოს ზედამხედველობის უფლებას ისევ არ აძლევენ უკრაინელ მედიკოსებს.
მსოფლიოს სხვადასხვა ქვეყნის ოფიციალური სამთავრობო წრეები და სხვა სტრუქტურები სავჩენკოს თემას აქტიურად ეხმიანებიან. აშშ-ის სახდეპარტამენტმა კრემლს მფრინავის გათავისუფლებისკენ მოუწოდა. ევროპარლამენტმა ევროკავშირის ქვეყნებს მოუწოდა, სანქციები დაადონ ვლ. პუტინს სავჩენკოს გამო.
ქალიშვილის მხარდასაჭერად უკრაინიდან რუსეთში გაემგზავრა ნადეჟდა სავჩენკოს დედა, რომელმაც ერთი დღით ადრე მსოფლიოს შვილის გადარჩენისთვის აქტიური ნაბიჯების გადადგმა სთხოვა.