ამის შესახებ „ფეისბუქზე“ პორტალ „ცენზორ.ნეტის“ რედაქტორმა იური ბუტუსოვმა დაწერა. მისი თქმით, ეს დასკვნა ნიდერლანდების პროკურატურასთან შექმნილ საერთაშორისო ექსპერტთა სხდომის დროს დაიდო.
„რეის MH17-ის კატასტროფასთან დაკავშირებით სუპერსაინტერესო განცხადება გაკეთდა ნიდერლანდების პროკურატურასთან არსებულ საერთაშორისო ექსპერტთა სხდომაზე. რუსეთმა, ფაქტობრივად, აღიარა, რომ დონბასში ცეცხლს გახსნის საზენიტო-სარაკეტო დანადგარ „ბუკიდან“ ავიალაინერების მიმართულებით.
აღმოჩნდა, რომ 14 ივლისს, 00:00 საათზე, „ბოინგის“ განადგურების ზღურბლზე რუსეთმა ოფიციალურად გამოაცხადა საფრთხის შემცველად დონბასის თავზე ფრენა და უსაფრთხო სიმაღლედ 13.000 მეტრი დაასახელა, ეს კი სამგზავრო ლაინერების საფრენ მანძილზე მაღალია.
ასე რომ, რუსეთის ოფიციალურმა ხელისუფლებამ უკვე 14 ივლისს იცოდა, რომ ისინი სამგზავრო ლაინერებს ჩამოაგდებდნენ, თუმცა, კრემლის მესვეურებმა უკრაინის ხელისუფლება არ გააფრთხილეს.
ისინი ალიბის შექმნას გეგმავდნენ, რადგან აპირებდნენ ტერორისტული აქტების მოწყობას სამგზავრო და სამხედრო ავიაციის წინააღმდეგ და ეს ოფიციალურად დააფიქსირეს კიდეც. აქედან გამომდინარე, კრემლის ხელისუფლებამ იცოდა, რომ 14 ივლისიდან თვითმფრინავებს ჩამოაგდებდნენ“, - წერს ბუტუსოვი.