2015-07-17 11:06

უკრაინის საგარეო საქმეთა სამინისტრომ პერსონა ნონ გრატად (არასასურველ პერსონად) გამოაცხადა ოდესაში რუსეთის გენერალური კონსულის მოვალეობის შემსრულებელი - ამის შესახებ უკრაინის უშიშროების სამსახური იტყობინება.

"ვენის კონვენციის 23-ე მუხლის შესაბამისად, უკრაინის საგარეო საქმეთა სამინისტრომ რუსულ მხარეს გადასცა ნოტა მოთხოვნით, ოდესაში რუსეთის გენერალური კონსულის მოვალეობის შემსრულებელმა სასწრაფოდ დატოვოს უკრაინა", - აღნიშნულია უშიშროების სამსახურის განცხადებაში. 

ამასტან, კონსულის მოვალეობის შემსრულებლის ვინაობა არ სახელდება. ცნობილი მხოლოდ ისაა, რომ რუსმა დიპლომატმა უკრაინა უკვე დატოვა.