რუსი ოპოზიციონერის, ბორის ნემცოვის მკვლელობასთან დაკავშირებით, რუსულ მედიაში აქტიურად ვრცელდება ვერსია, რომლის თანახმადაც პოლიტიკოსი უკრაინული სპეცსამსახურების დაკვეთით, ჩეჩენმა მებრძოლებმა მოკლეს.
ნემცოვის საქმეზე მომუშავე გამომძიებლების ვერსიით, მკვლელობის ორგანიზატორები შეიძლება ყოფილიყვნენ დუდაევის დანაყოფის ყოფილი მეთაური ადამ ოსმაევი, რომელიც პუტინზე თავდასხმის მზადების საქმეშიც ფიგურირებდა და მისი მეუღლე ამინა ოკუევა.
მკვლელობის მიზანი კი რუსული ხელისუფლების დისკრედიტაცია და პოლიტიკური სიტუაციის დესტაბილიზაციაა.
რუსული სპეცსამსახურები ამ დროისთვის ნემცოვის მკვლელობის მომზადებაში და შესრულებაში მონაწილე ადამიანების რაოდენობას ადგენენ.
ანალიტიკოსების აზრით, ნემცოვის მკვლელობით და შემდეგ მსგავსი ვერსიების გავრცელებით, პუტინის რეჟიმმა ორმაგი სარგებელი მიიღო - თავიდან მოიშორა რუსული ოპოზიციის ერთ-ერთი თვალსაჩინო ლიდერი და ამასთანავე ხელს უწყობს ოფიციალური კიევის და უკრაინაში მებრძოლი ჩეჩნების დისკრედიტაციას.
http://newposts.ge/
