2015-01-06 23:18

დუბაიში იუველირებმა რეკორდული ზომის ოქროს ჯაჭვი დაამზადეს.

ნაკეთობის სიგრძე 5 კილომეტრი და 520 მეტრია.

სამკაულის შექმნაზე 100 იუველირი 45 დღის განმავლობაში მუშაობდა. ამისათვის სპეციალისტებს 256 კილოგრამი ოქრო დასჭირდათ.

უგრძელესი ოქროს ჯაჭვის ნახვა ნებისმიერ მსურველს შეუძლია.

ის დუბაის ერთ-ერთ ძველ უბანშია გამოფენილი, სადაც ოქროს ბაზრობა მდებარეობს.

ნაკეთობა გინესის რეკორდების წიგნში ყველაზე გრძელი საიუველირო ნაწარმის სახით შევა, რის შემდეგაც ჯაჭვს ნაწილ-ნაწილ გაყიდიან.

ყველა ნაკეთობას, რომელიც მისგან დამზადდება, გინესის რეკორდების დამადასტურებელი უნიკალური კოდი მიენიჭება.