რუსეთის მიერ ოკუპირებულ აფხაზეთის ტერიტორიაზე ივნისში რუსეთიდან შემოსული ტურისტების რაოდენობა წინა წელთან შედარებით 60-80%-ით ნაკლებია.
როგორც რუსული და აფხაზური საინფორმაციო პორტალები იტყობინებიან, ტურისტთა ნაკადის შემცირება იმან გამოიწვია, რომ აფხაზეთში სასტუმროებზე ფასები ზამთრის პერიოდიდან 20%-ით გაიზარდა.
სიტუაცია ვერც იმან შეცვალა, რომ ცოტა ხნის წინ სასტუმროებზე ფასები ისევ დააგდეს - რუსმა ტურისტებმა, რომლებმაც სწორედ ზამთარში დაგეგმეს შვებულება, სხვა მიმართულება აირჩიეს.
შეგახსენებთ, რომ რუსი ტურისტების არჩევანი, როგორც წესი, ოკუპირებულ აფხაზეთსა და ყირიმს, ასევე ბულგარეთსა და თურქეთს შორის იცვლება. რუსი ტურისტების არც ისე მცირე ტერიტორია დასასვენებლად აფხაზეთის გარდა, საქართველოს დანარჩენ ზღვისპირა ტერიტორიას, ძირიტადად, აჭარას ირჩევს.
"ასეთი ზაფხული არ გვახსოვს. და არც ფსოუზე კანტი-კუნტად მყოფი მანქანები", - წერენ აფხაზურ ფორუმებზე და აქვეყნებენ ფოტოებს, სადაც საქართველო-რუსეთის საზღვარზე, განთიადის გამშვებ პუნქტთან უჩვეულო სიხალვათე ჩანს.