2020-03-10 11:55

ნიდერლანდების მოქალაქეს, რომელიც ქუთაისში ოთხი დღის წინ გაუჩინარდა, მდინარე რიონში ეძებენ.

23 წლის სიიმ ვიგერი 7 მარტს, გვიან ღამით, ქუთაისიდან გაუჩინარდა. ის ბოლოს მეგობართან ერთად ქალაქის

ცენტრში ერთ -ერთ რესტორანში იმყოფებოდა. მისი კვალი სწორედ რესტორნიდან გამოსვლის შემდეგ იკარგება.

ამოღებულია ვიდეოჩანაწერები, ქალაქის ქუჩებში დაკარგულის ფოტოებია გაკრული წარწერით - „იძებნება".

ვიდეოკადრების მიხედვით, არსებობს ვარაუდი,რომ მამაკაცი მდინარე რიონის ნაპირთანაც იმყოფებოდა, რის გამოც

დღეს სამძებრო სამუშაოები მდინარეში დაიწყო. ქუთაისში ჩავიდნენ დაკარგული ახალგაზრდის ოჯახის წევრები.