2013-11-11 10:30

ლევან სამხარაულის სახელობის ექსპერტიზის ბიუროში გვიან ღამით დასრულდა ნინო გვასალიას ცხედრის ექსპერტიზა. ექსპერტიზის დასკვნა უახლოეს დღეებში გახდება ცნობილი.

ნინო გვასალიას ცხედარს მშობლიურ სახლში, თელავის 35-ში დღეს გადაასვენებენ. ნინო გვასალიას ცხედარი მუხათწყაროს ტყეში, მიუვალ ადგილას, ბაიკერებმა გუშინ იპოვეს. ამ საქმესთან დაკავშირებით ერთერთი ბაიკერის დაკითხვა გვიან ღამემდე გაგრძელდა. სავარაუდოდ, გოგონა გაუჩინარებიდან მალევე გარდაიცვალა, წინასწარი ვერსიით, მან თავი ჩამოიხრჩო. სისხლის სამართლის საქმე თვითმკვლელობამდე მიყვანის მუხლითაა აღძრული. შეგახსენებთ, რომ 22 წლის ნინო გვასალია 17 ოქტომბერს გავიდა სახლიდან და მას შემდეგ მის შესახებ არაფერი იყო ცნობილი, სანამ მუხათწყაროს ტყეში, ხეზე ჩამომხრჩვალი არ იპოვეს.