2016-03-22 15:06

რუსმა მომღერალმა ზემფირამ, რომელმაც თბილისში კონცერტის დროს უკრაინის დროშა ააფრიალა, იგივე ვილნიუსში არ გაიმეორა. პირიქით, მან გაღიზიანება არ დამალა დარბაზში უკრაინის სახელმწიფო დროშის გამოჩენაზე და მისი მოშორება მოითხოვა.

"Я прошу вас, я прошу вас, б...ь, уберите флаг!" - წამოიძახა რუსმა მომღერალმა და დააყოლა: "თქვენ თქვენი ქვეყანა გიყვართ, მე კი - ჩემი!". ვილნიუსში საგანგებოდ უკრაინიდან ჩამოსულებიც იყვნენ, ვინც ზემფირას კონცერტზე დასწრება თბილისში მისი დემარშის გამო გადაწყვიტა. ისინი ნაწყენი დარჩნენ ზემფირას გამოხტომით და უკრაინის დროშის უხეშად მოხსენიება შეურაცხყოფად მიიღეს. 

ვილნიუსში იმყოფებოდა ასევე უკრაინელი შოუმენი ალექსანდრე პედანი: "არასდროს მყავდა კუმირი, მაგრამ თავის დროზე ზემფირას შემოქმედებას პატივს ვცემდი. მაგრამ დღეს რაც გააკეთა... უკრაინის დროშის დანახვაზე შეიკურთხა და შუათითი გვიჩვენა. და ეს ყველაფერი ვილნიუსში! ძალიან ბევრი უკრაინელი და ლიტველი გავიდა დარბაზიდან...".