რუსეთის პირველი არხისთვის მიცემულ ექსკლუზიურ ინტერვიუში გიორგი მარგველაშვილმა აღნიშნა, რომ სოჭის ოლიმპიადაში საქართველოს მონაწილეობის საკითხი ჯერჯერობით ღიაა და მასზე მსჯელობა გუნდის შიგნით მიმდინარეობს.
არჩევნებში გამარჯვებულმა პრეზიდენტობის კანდიდატმა პასუხი გასცა ასევე ჟურნალისტის შეკითხვას - როგორ აპირებს საქართველო რუსეთის ინტერესების გათვალისწინებას, თუკი გარკვეულია, რომ ქვეყანა მიიწევს ევროპისკენ: "საქართველოს ინტეგრაცია და ასოცირება ევროპასთან, არის ზუსტად რუსეთის ინტერესებში. სტაბილური ქვეყნა სამხრეთის მიმართულებით რეალურად ქმნის შესაძლებლობას ურთიერთობების გაღრმავებისა და ასევე რუსეთის ფედერაციის სტაბილური განვითარებისათვის, რომელიც აქტიურად ავითარებს კულტურას, ეკონომიკას და პოლიტიკურ ურთიერთობებს ევროკავშირთან", - განაცხადა გიორგი მარგველაშვილმა მისი თქმით, მისთვის ძალიან მნიშვნელოვანი იყო რუსეთის პატრიარქის მილოცვა, რადგან ის იარები, რომლებიც არსებობს ორ სახელმწიფოს შორის, სწორედ „სულიერმა პირებმა“ უნდა მოაგვარონ.