„ქართულმა ოცნებამ“ პრეზიდენტს ხელი კრა და მიანიშნა, რომ მისის ადგილი არის კარებთან. ამის გამოძახილია სწორედ ისიც რომ საგარეო საქმეთა სამინისტრო და მინისტრი, საერთაშორისო ვიზიტებში ბლოკავს გიორგი მარგველაშვილს“ - ამის შესახებ პრეზიდენტ მარგველაშვილის ყოფილმა მრჩეველმა ვანო მაჭავარიანმა დღეს „კვირას“-ს პრესკლუბში გამართულ პრესკონფერენციაზე განაცხადა.
მაჭავარიანის მოსაზრებით, პრეზიდენტსა და მთავრობას შორის არაკორდინირებულობისა და დაპირისპირების შესახებ ინფორმაცია უკვე ქვეყნნის საზღვრებს გაცდა.
ყოფილი მრჩევლის განცხადებით, ტრაგიკული არაფერია იმაში რომ გაეროს ასამბლეაზე საქართველო ორი დელეგაციით იყოს წარმოდგენილი.
„საგარეო საქმეთა სამინისტრომ და მინისტრმა ყველაფერი გააკეთეს იმისთვის რომ საერთაშორისო საზოგადოებას წარმოუჩინონ რომ თითქოსდა სახელმწიფოში პირველი პირი არის პრემიერი და არა პრეზიდენტი. თუ პრეზიდენტი არ გადათქვამს და ჩვენ გაეროს ასამბლეაზე გვეყოლება 2 დელეგაცია ტრაგიკულს ვერაფერს ვხედავ , ეს გაეროში ჩვეულებრივი პრაქტიკაა.
აქ საუბარი არის არა დელეგაციებზე არამედ იმაზე თუ ვინ იქნება დელეგაციის ხელმძღვანელი. საგარეო საქმეთა სამინისტროს მიაჩნია რომ დელეგაციის ხელმძღვანელი პრეზიდენტი არ უნდა იყოს.პრეზიდენტს არ აძლევენ ხოლმე მას საშუალებას სხვადასხვა საერთაშორისო ვიზიტებისას რომ იყოს წარმოდგენილი როგორც სახელმწიფოს პირველი პირი.
მარგველაშვილი და ღარიბაშვილი წარმოადგენენ ერთ პოლიტიკურ გუნდს ის რომ ვერ მოხერხდა პრეზიდენტსა და პრემიერს შორის ელემენტარული შეთანხმების მიღწევა და უფლებამოსილების გადანაწილება, იქნება ეს საგარეო, თავდაცვის თუ სხვა სფეროებში ეს არის ქვეყნისთვის საფრთხის შემცველი. ჩვენ შემსწრენი ვართ ორ პოლიტიკურ შტოს შორის არაკორდინირებული მუშაობის და დაპირისპირების“- განაცხადა ვანო მაჭავარიანმა.