-
2014-06-05 12:45
„თავისუფლებისა და მხარდაჭერის ცენტრის“ დამფუძნებელი, თავდაცვისა და შსს-ს ყოფილი მინისტრის ბაჩო ახალაიას მეუღლე ანი ნადარეიშვილი „ფეისბუქით“ ეხმიანება რომა შამათავას შესახებ შსს-ს განცხადებას და წერს, რომ ხელისუფლება ცდილობს, გმირებს პატიმრობა გაუხანგრძლივოს.
შეგახსენებთ, რომ შსს-მ ცოტა ხნის წინ გახსნილად გამოაცხადა თავდაცვის სამინისტროს ოფიცრის პაატა ქარდავას მკვლელობის საქმე და მისი სიცოცხლის მოსპობაში ე.წ. ხურჩის ტერაქტის გამო უკვე დაკავებული კუდ-ის აფხაზეთის სამმართველოს ყოფილი უფროსი რომან შამათავა დაადანაშაულა.
ანი ნადარეიშვილი წერს:
„უგუნური და პანიკაში მყოფი ხელისუფლების იდიოტური სქემა, თუ როგორ გაუხანგრძლივონ გმირებს პატიმრობა, რომელსაც უკვე პატარა ბავშვიც კი ხვდება, რომ მარაზმია.
რომა შამათავა არის საქართველო გმირი, ამას ყოველთვის ხმამაღლა ვიტყვი, მისი თავისუფლებაზე ყოფნა რბილად რომ ვთქვათ ძალიან არ აწყობს რუსეთს, მითუმეტეს აფხაზეთში დღეს მიმდინარე მოვლენების გამო, და სწორედ მათი დავალებით არის გამოკეტილი ციხეში. ყველას გახსოვთ ალბათ გენერალ გოგი თათუხაშვილის განცხადება, რომ მისი შვილის შემდეგ რომას ლიკვიდაცია მოხდება.
რომას წინასწარი პატიმრობის ვადა 21 ივლისს ეწურება, ისე როგორც ბაჩოს 26 ივლისს. სასამართლოს წინაშე გაფარჩაკებული პროკურატურა ხვდება რომ განაჩენი გამამართლებელი იქნება, სწორედ ამიტომ დგება რომას გარეთ გამოსვლის საშიშროება და სწორედ ამიტომ დასჭირდათ იმ სქემის გამოყენება, რომელსაც აგერ უკვე თითქმის ორი წელია ბაჩოს მიმართ იყენებენ - ყოველი გამამართლებელი განაჩენის წინ ახალი ცრუ ბრალდება პატიმრობის კიდევ 9 თვით გასახანგრძლივებლად.
P.S. ხო, და კიდევ, ლეგენდების შეთხზვას, ჯერ ადამიანის გვამი იპოვონ და მერე დასდონ ბრალი მეორე ადამიანს მის მკვლელობაში. უგვამო მკვლელობა არ გამიგია მე...“