შმულევიჩი: პუტინმა კბილებში მიიღო

Image

აღმოსავლეთ პარტნიორობის ინსტიტუტის დირექტორი აბრაამ შმულევიჩი ვრცელ წერილს აქვეყნებს, სადაც თავის მოსაზრებას აყალიბებს სირიაში, თურქეთის საზღვართან ჩამოგდებული „სუ-24“-ის ჩამოგდებისა და თანმდევი პროცესების შესახებ. 

 

შმულევიჩის აზრით, თურქეთის მიერ გადადგმული ნაბიჯი მიანიშნებს, რომ პუტინის კუნტრუში დასრულდა და რომ „მას, რომელიც ხშირად ციტირებს პიტერის მორალს, კარგად უნდა სცოდნოდა ამ მორალის ერთი პოსტულატი: ვინც ზედმეტად თავხედობს, დარტყმას კბილებში მიიღებს. ჰოდა, პუტინმაც კბილებში მიიღო“.

 

შმულევიჩი იმ ტერიტორიის განსაკუთრებულობაზეც წერს, სადაც ინციდენტი მოხდა:

 

„თურქეთის საჰაერო სივრცე არაა პირველი წითელი ზოლი, რაც პუტინმა დაარღვია. მანამდე რუსულმა ავიაციამ დაბომბა სირიელი თურქების (თურქომანების) დასახლებული პუნქტები - აქ ეთნიკური თურქები ცხოვრობენ, რომლებიც ოსმალეთის იმპერიის დაშლის შემდეგ სირიის მოქალაქეები გახდნენ. ისინი თურქეთის განსაკუთრებული მფარველობის ქვეშ არიან და არანაირი კავშირი „ისლამურ სახელმწიფოსთან“ არა აქვთ. მათ თვით ასადმაც კი არ ახლო ხელი, თურქების შიშით. და აი, პუტინი იყო ის, ვინც არად ჩააგდო თურქების ინტერესი და იქაურობა დაბომბა, რასაც მსხვერპლი მშვიდობიან მოსახლეობაში მოჰყვა“, - წერს შმულევიჩი.

 

ექსპერტი იმ თვალსაზრისსაც ეხმიანება, რის გამოც პუტინმა თურქეთი ტერორისტების ხელშემწყობ სახელმწიფოდ მოიხსენია და რასაც ხშირად მოისმენთ პრორუსულად განწყობილი პოლიტიკოსებისა და ელექტორატის მხრიდან: რომ თითქოს თურქეთს, რომელიც ფარულად მხარს უჭერს „ისლამურ სახელმწიფოს“, ხელს არ აძლევდა სირიაში რუსეთის ავიაციის ეფექტური ბრძოლა ISIS-ის წინააღმდეგ და სწორედ ამიტომ ჩამოაგდო რუსული თვითმფრინავი:

 

„კიდევ ერთი საინტერესო მომენტი: გუშინ, როგორც იქნა, თურქეთმა გამოაცხადა ბუფერული ზონის შექმნის შესახებ. შეგახსენებთ, აგვისტოში სწორედ თურქეთს ჰქონდა დაგეგმილი სახმელეთო ოპერაცია „ისლამური სახელმწიფოს“ წინააღმდეგ, რასაც შედეგად უნდა მოჰყოლოდა სირიის ტერიტორიის 30 კმ სიღრმეში გაწმენდა ტერორისტებისგან. ამ ბუფერულ ზონაში, თურქეთის საზღვართან ახლოს უნდა განთავსებულიყო ლტოლვილთა ბანაკები. ეს ოპერაცია რუსეთის ჩარევის შედეგად ჩაიშალა.

 

და ამ ჩარევის შედეგად, სინამდვილეში, ISIS-მა მიიღო საკმაოდ დიდი დრო, რათა ამოესუნთქა და ძალები მოეკრიბა, რადგან მისთვის ყველაზე დიდი დაბრკოლება სწორედ სახმელეთო ოპერაციაა - ფაქტია, ჰაერიდან დარტყმებით მას ვერ დაამარცხებ. ასე რომ, სირიის მოვლენებში რუსეთის სამხედრო ჩარევის შემდეგ თურქების სახმელეთო ოპერაცია გადაიდო.

 

მაგრამ რახან ახლა თურქეთმა განაცხადა, რომ აპირებს აამოქმედოს ადრინდელი გეგმა და დაიწყოს სახმელეთო ოპერაცია, რათა რეალურად ებრძოლოს ISIS-ს, ყველაფერთან ერთად, ეს ჩამოგდებული თვითმფრინავი რუსეთისთვის გაგზავნილი სიგნალია, რომ არ ჩაერიოს და წყნარად იჯდეს“, - წერს შმულევიჩი. 

 

ორიგინალი

თემასთან დაკავშირებული მასალები:
რედაქტორის რჩევით

გაწვდით პოზიტივს! - "დები დიღმელები" სტუმრად რადიო დარდიმანდში სიმღერის პრემიერით

2023-05-15 18:57
"ავთხოვდი ჩავთხოვდი" და "ნაღდი ქალები" ასე ქვია სიმღერებს, რომლის პრემიერაც დღეს რადიო...

2 ივნისს, ლისი ივენთ ჰოლში 2000-იანი წლების ოქროს ჰიტების საღამო გაიმართება

2023-05-15 13:33
საინტერესო ინფორმაცია მათთვის, ვისაც 2000-იანების ჰიტები უყვარს - 2 ივნისს, ლისი ივენთ ჰოლში...

ქართული სცენის ვარსკვლავი, მომღერალი ნინო ჩხეიძე 27 მაისს სტოკჰოლმში იმღერებს

2023-05-11 16:10
მომღერალი და ტელეწამყვანი ნინო ჩხეიძე 27 მაისს ქალაქ სტოკჰოლმში იმღერებს.

,,ამ სიმღერების პოპური ვიცოდი გოგი დოლიძისგან" - ლაშა ღლონტის პოპურის პრემიერა რადიო დარდიმანდის ეთერში

2023-04-28 13:38
რადიო ,,დარდიმანდის" ეთერში, გადაცემაში ,,ახალი ქართული" მომღერალ ლაშა ღლონტის ახალი ქართული სიმღერის - ,,ლაშას პოპური"...
რჩეული ვიდეოები

ნინო ჩხეიძისა და ზურა ბარბაქაძის ახალი კოლაბორაცია - „წყაროზე“

2021-11-16 13:59
10 წლის შემდეგ, მომღერლების, ნინო ჩხეიძისა და ზურა ბარბაქაძის მუსიკალური დუეტი განახლდა გელა...

CHANEL - ის 2021 წლის გაზაფხულის ჩვენება (ფოტო,ვიდეო)

2021-03-12 14:06
CHANEL - ის 2021 წლის გაზაფხულის ჩვენება

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

გამოკითხვა

helper DB function reports no errors

უნდა მოიხსნას თუ არა, პირბადის ტარების რეგულაცია საზოგადოებრივ ტრანსპორტში?

ხმების რაოდნობა:
ხმის მიცემა შეწყვეტილია !