2015-09-20 22:28

მეოცე საუკუნის 70-80-იანი წლების ეროვნულ-გამათავისუფლებელი მოძრაობის ლიდერი, მაშინდელი ეროვნული დამოუკიდებლობის პარტიის თავმჯდომარე ირაკლი წერეთელი მიიჩნევს, რომ გიგი უგულავას ხელახალი დაპატიმრება სამარცხვინო იყო, ამასთან, ენმ-ს მიმართავს და ამბობს, რომ პარტიას მხარდამჭერებთან ერთად, უიარაღო წინააღმდეგობა უნდა გაეწია ხელისუფლებისთვის და გიგი უგულავას ხელახლა დაპატიმრება არ უნდა დაეშვა.

"ნამდვილად არ ვარ და არც ვიქნები ნაცმოძრაობის და მათ შორის გიგი უგულავას აპოლოგეტი, მაგრამ-გიგი უგულავას დაპატიმრება ,მისი განთავისუფლების შემდეგ, არის სახელისუფლებო უზნეობის, არაკაცობისა და გათახსირების უტიფარი დემონსტრაცია, რასაც ვგმობ და რა თქმა უნდა ვაპროტესტებ.

ნაცმოძრაობას უნდა გაეწია სასტიკი წინააღმდეგობა და არ უნდა დაენებებინათ გიგი უგულავა, დამპალი და გახრწნილი ხელისუფლებისთვის, წასულიყვნენ უნდა არაშეიარაღებულ ფიზიკურ წინააღმდეგობაზე. ნაცებმა იდედლეთ. მაგ შემართებით ამ დამპალ ხელისუფლებას ვერ შეცვლით.სამწუხაროდ გაკლიათ შემართება და გამბედაობა და, როგორც ირკვევა, არც ისე ბევრნი ყოფილხართ.

9 აპრილის შემდეგ მერაბ კოსტავას, ზვიად გამსახურდიას, გიორგი ჭანტურიასა და ჩემი განთავისუფლების შემდეგ თვით ძლევამოსილ და ფიზიკურად უდიდეს, კბილებამდე შეიარაღებულ საბჭოთა იმპერიასაც კი არ გაუბედავს ჩვენი ხელახლა დაკავება. მარტო ვეღარაფერს გახდებით. საჭიროა გრანდიოზულად მრავალრიცხოვანი გაერთიანება ყველა ატლანტიკური, ანტისაოკუპაციო ეროვნული ძალისა, სადაც ნაცები არ უნდა იყოთლიდერის პოზიციაზე.

განთავისუდფლების შემდეგ გიგის ხელახალი დაპატიმრება არა მარტო სამწუხაროა, არამედ სამარცხვინოც. თვისობრივად ახალი ეროვნული მოძრაობა უნდა დაიწყოს საქართველოში,შევსებული ძველი და ასევე ახალი ღირსეული სახეებით! აუცილებელია 1 ოქტომბერს გრანდიოზულად მრავალრიცხოვანი დემონსტრაციის ჩატარება!

ყველანი 1 ოქტომბერს დღის ხუთ საათზე, რუსთაველი გამზირზე, მთავრობის სახლის კიბეებთან! სიმართლისა და უკეთესი მომავლისთვის ვისაც თაზე ხელისაღება და თავგანწირვა არ შეუძლია ის არ არის გამარჯვების ღირსი!

და ბოლოს, თუ ნაცებს მეტის თავი არ გქონდათ, ჩემთან მოგეყვანათ სახლში გიგი უგულავა და კაცურად , ვითარცა დევნილ სტუმარს ,სახლში შევიფარებდი და კბილებით დავიცავდი!", - წერს ირაკლი წერეთელი.