2015-08-29 23:49

ჟურნალისტი ინგა გრიგოლია "ნეტგაზეთთან" საუბარში აცხადებს, რომ ტელეკომპანია “იმედის” მიერ რეიტინგული გადაცემების დახურვა პოლიტიკური გადაწყვეტილებაა.

“ორივე რეიტინგული გადაცემაა და არავითარი საფუძველი არა მაქვს ვიფიქრო, რომ მათი დახურვის მიზეზი ფორმატია. ესაა პოლიტიკური გადაწყვეტილება”, - განუცხადა ნეტგაზეთს ინგა გრიგოლიამ. გრიგოლია ამბობს, რომ არ გაკვირვებია ეს გადაწყვეტილება. “ყოველი ხელისუფლების დროს ასე ხდება, უკვე აღარ მიკვირს”. ჟურნალისტი ამბობს, რომ ტელეკომპანია “იმედს” მისთვის სხვა არაფერი შეუთავაზებია, თუმცა უკვე აქვს სხვა შეთავაზებები.

"ნეტგაზეთის" კითხვაზე ხომ არ შეუთავაზებია არხის ხელმძღვანელობას გადაცემის ფორმატის ცვლილება რამდენიმე თვით ადრე, რომ თუ მართლა სურდათ ცვლილება, ახალ სატელევიზო სეზონამდე მოესწროთ და არა 2016 წლისთვის, გრიგოლიამ გვიპასუხა, რომ მსგავსი საუბარი არ ყოფილა.