2014-05-22 15:15

პოლიტოლოგი გია ნოდია "ფეისბუქის" საკუთარ გვერდზე თბილისში, წერეთლის გამზირზე თავს გადახდენილ ერთ ეპიზოდს იხსენებს, როცა მანქანაში ჯდებოდა, გამვლელმა იცნო და მისკენ წამოვიდა, რათა გასაუბრებოდა.

გია ნოდია წერს:

"წერეთელზე, დიდუბეში, მანქანაში ვჯდები. გამვლელს სახეზე დაეწერა, რომ მიცნო, მერე შეყოვნდა, მერე ჩემკენ წამოვიდა. ასეთ დროს სამი ვარიანტია ხოლმე:

ან უნდა მაგინოს, ან მაქოს, ან საერთო ნაცნობ-ნათესავები გამონახოს. სანამ მოდიოდა, ვფიქრობდი, რომელი ვარიანტია-მეთქი, თუმცა უფრო აგრესია ეტყობოდა და ამისკენ მოვემზადე. ბოლოს დაიწყო:

„ეს რა გვიყავით! ვის ხელში ჩაგვყარეთ! რატომ გვაოცნებეთ!“. შემდგომი სიტყვა-სიტყვით არ მახსოვს, დედააზრი ის იყო, ოღონდ ესენი გაყარეთ და ყველანაირად გვერდზე დაგიდგებითო.