2020-03-18 13:00

ცნობილის ქართული ბრენდი SHAVDIA მზადაა, მსურველებს პირბადეები სრულიად უანგაროდ გადასცეს. აღნიშნულის შესახებ ინფორმაცია კომპანიამ საკუთარ ოფიციალურ ფეისბუქ გვერდზე გაავრცელა.

„ქვეყანაში არსებული სიტუაციიდან გამომდინარე, ვგრძნობთ პასუხისმგებლობას მოსახლეობის მიმართ, როგორც ქართული ბრენდი და გადავცემთ პირბადეს საჩუქრად როგორც ჩვენს მომხმარებელს, ასევე ნებისმიერ მსურველს უფასოდ…

დღეს 5 საათის შემდეგ იქნება მარაგში „გალერია თბილისის“ ფილიალში გვექნება 100 ერთეული, ყოველდღიურად დავამატებთ მარაგს, მანამ სანამ შევძლებთ. სტერილურად იქნება ერთჯერად პარკებში შეფუთული… თითო ადამიანზე 2 ცალი. ჯანმრთელობას გისურვებთ“, – აცხადებენ SHAVDIA-ში.