2014-09-09 10:24

რუსეთის არმიის დანაყოფებმა ტერორისტებთან ერთად კვლავ დაარღვიეს ცეცხლის შეწყვეტის შესახებ შეთანხმება და უკრაინის არმიის პოზიციებს ცეცხლი გაუხსნეს, მათ შორის, საარტილერიო დანადგარებიდან.

დონეცკის აეროპორტის ტერიტორიაზე უკრაინის არმიის პოზიციები დაიბომბა ოთხჯერ: ორჯერ ნაღმმტყორცნებიდან და ორჯერ „გრადის“ მეშვეობით. ასევე „გრადით“ დაიბომბა სოფელ ტონენკოესთან მდებარე უკრაინული არმიის ბაზა.

ნაღმმტყორცნებიდან დაიბომბა სოფელ დოკუჩაევსკთან მდებარე უკრაინის არმიის ბაზა. ნაღღმტყორცნებიდან გაუხსნეს ცეცხლი დებალცევოსთან მდებარე უკრაინულ პოზიციებს. ტერორისტებმა ცეცხლსასროლი იარაღის გამოყენებით ტერორისტებმა სცადეს იერიშის მიტანა როდნიკოვოესთან მდებარე პოზიციებზე, იერიში უკრაინელმა მებრძოლებმა მოიგერიეს.

ამასთან, უკრაინელი სამხედროები იცავენ ცეცხლის შეწყვეტის შესახებ შეთანხმებას და მხოლოდ საპასუხო ცეცხლს ხსნიან.