2015-12-19 00:29

დღეს დონეცკის ოლქში, ანტიტერორისტული ოპერაციის ზონაში მიმდინარე ოპერაციის დროს დაიჭრა ქართველი მებრძოლი ზაზა ბიწაძე. მის სიცოცხლეს საფრთხე არ ემუქრება. ამის შესახებ უკრაინიდან ქართველი მოხალისეები იტყობინებიან.

"დღეს დაახლოებით 20:30 წუთზე, დონეცკის ოლქის სოფ. ზაიცევოში, წინა ხაზიდან მძიმედ დაჭრილი უკრაინელი სამხედროს გამოყვანისას დაგვეჭრა დაჯგუფება "ქართველი პარტიზანები"-ის მებრძოლი ზაზა ბიწაძე, მას თეძოსა და წელის არეში აქვს საარტილერიო ჭურვის ნამსხვრევებით მიყენებული მრავლობითი ჭრილობები, ჩვენი თანამებრძოლი გადაყვანილია სამხედრო ჰოსპიტალში, ამ ეტაპზე მის სიცოცხლეს საფრთხე არ ემუქრება", - წერენ ისინი სოციალურ ქსელში.