2015-01-01 23:27

კიევის პატრიარქმა ფილარეტმა "უკრინფორმთან" ინტერვიუში ახსნა, რა განსხვავებაა მკვლელობასა და სამშობლოს დაცვის მიზნით მტრის მოკვდინებას შორის. 

კიევის პატრიარქის განცხადებით, რუსების, ისევე როგორც სხვა ეროვნების ადამიანების მოკვლა არაა აუცილებელი - აუცილებელია სამშობლოს დაცვა.

და თუკი რუსი მოდის, რათა დაიპყროს შენი მიწა, შენ გაქვს უფლება, ის მოკლა სამშობლოს დაცვისას. ასე იყო დიდი სამამულო ომის დროს:

კლავდნენ გერმანელებს? კლავდნენ. და რა, გერმანელები არ იყვნენ ადამიანები? იყვნენ. ჰოდა, როცა გერმანელებს კლავდნენ, არ აწუხებდათ ცოდვის შეგრძნება. რატომ? იმიტომ რომ ისინი თავიანთ ქვეყანას იცავდნენ, მტერს კლავდნენ. ასეა აქაც. კლავენ არა რუსს, არამედ მტერს, რომელიც მოიწევს შენი მიწისკენ, რათა დაგიპყროს და მოგკლას. 

კიევის პატრიარქმა კიდევ ერთხელ შეადარა რუსეთის პრეზიდენტი კაენს და აღნიშნა, რომ მასში სატანა ჩასახლდა.