2019-10-31 12:13

ლადო ათანელის დებიუტი საქართველოში 1989 წელს შედგა და მას შემდეგ მსოფლიოს უდიდესი საოპერო დადგმებში მიიღო მონაწილეობა.

საქართველოს მწერალთა ასოციაციის მიერ  წოდებული "სიკეთის რაინდი", ბრწყინვალების ორდენისა და შოთა რუსთაველის სახელობის პრემიის მფლობელი და თბილისის საპატიო მოქალაქედ არჩეული ქართველი ბარიტონი ლადო ათანელი შემოქმედებითი მოღვაწეობის 30 წლის იუბილეს აღნიშნავს.

ღონისძიებას საქართველოს ოპერისა და ბალეტის თეატრმა 30 ოქტომბერს უმასპინძლა.

კონცერტის მონაწილეთა შორის ცნობილ ქართველ შემსრულებლებთან ერთად ლადო ათანელის ფონდის გამარჯვებული სტუდენდებიც იყვნენ.

"როდესაც ამდენი კარგი ქართველი კოლეგა მყავს, გვერდით ის მომღერლები მირჩევნია იყვნენ, ვისთან ერთადაც უკვე მიმღერია საზღვარგარეთ."

ლადო ათანელის დებიუტი საქართველოში 1989 წელს შედგა და მას შემდეგ მსოფლიოს უდიდესი საოპერო დადგმებში მიიღო მონაწილეობა.

ქართველი ბარიტონით აღფრთოვანებული კრიტიკოსები სხვადასხვა მხატვრული ხერხებით ცდილობენ მისი ნიჭის შეფასებას.

მისი უბადლო ხმა უკვე შეაფასეს როგორც "ოქროს ყელი საქართველოდან", "ასკარატიანი ბრილიანტი" და ასევე, ერთ-ერთ სტატიაში მისი ხმა 355 ცხენის სიმძლავრეს გაუთანაბრეს.