2014-02-19 13:53

კულტურისა და ძეგლთა დაცვის სამინისტროს მხარდაჭერით "რუსული კლუბის" პატივსაცემად საღამო სახელწოდებით, "Ето было недавно" იმართება. 

საღამო 19 თებერვალს, 19:30 საათზე, ევგენი მიქელაძის სახელობის საქართველოს ეროვნულ-მუსიკალურ ცენტრში გაიმართება.

სამინისტროს მიერ გავრცელებული ინფორმაციის თანახმად, კონცერტი ეძღვნება საერთაშორისო კულტურულ - საგანმანათლებლო ცენტრის -„რუსული კლუბის “ 10 წლის იუბილეს და კლუბის ჟურნალის - „რუსკი კლუბის“მეასე ნომრის გამოშვებას.

უწყების ცნობით, კონცერტში მონაწილეობას მიიღებენ ახალგაზრდა შემსრულებლები: ნათია პერანიძე, სალომე კორკოტაშვილი, აჩიკო ნიჟარაძე, მაგდა ნიკოლეიშვილი, ნუცა ქირია, ლელი ჯანხოთელი და სხვა შემსრულებლები.

კონცერტის ორგანიზატორი და კონცერტმეისტერია მარიამ ოსიტაშვილი.