აბაშიძის ქუჩაზე მოკლული ლაშა მახარაძის დედა "პოსტსკრიპტუმთან" აცხადებს, რომ მისი შვილის მკვლელობაშოი ბრალდებულს სამართალდამცავი ორგანოები მფარველობდნენ, ხოლო ლაშა მახარაძის მოკვლამდე მან დოლიძის ქუჩაზე ორი ბიჭი სასიკვდილოდ დაჭრა.
„ოცნების ახალგაზრდული ფრთის წარმომადგენელ ოქროპირიძეს მწვანე შუქი ჰქონდა პოლიციის მხრიდანაც და მას, როგორც გმირს, ისე ექცეოდნენ“, - აცხადებას ნინო დიდებულიძე P.S.-თან საუბარში. ლაშა მახარაძის დედა მისი შვილის მკვლელობამდე მომხდარ ინიციდენტასც იხსენებს.
დიდებულიძის ინფორმაციით, ოქროპირიძე ქალაქში რამდენიმე იარაღით დადიოდა და მას არავინ აჩერებდა. დიდებულიძის ცნობით, მანამ სანამ მისი შვილის მკვლელობა მოხდებოდა, ოქროპირიძე საბურთალოზე მომხდარი სხვა შემთხვევის გამო 2 კვირით ადრე დააპატიმრეს. ტელეკომპანია "რუსთავი 2"-თან საუბრისას დიდებულიძე იხსენებს, რომ ოქროპირიძემ დოლიძის ქუჩაზე 2 პირი სასიკვდილოდ დაჭრა.
„ორი ბიჭი დაჭრა, ფაქტიურად მოკლა, მაგრამ ისინი გადარჩნენ. ოქროპირიძე რომ თავის დროზე დაეკავებინათ, ჩემი შვილი დღეს ცოცხალი იქნებოდა“, - აცხადებს ნინო დიდებულიძე.