-
2014-05-17 19:00
დარიალის ხეობიდან უკვე ევაკუირებულია დაახლოებით 250 ადამიანი, მათ შორის არიან სამონასტრო კომპლექსის ბერებიც. მოქალაქეები, რომლებიც დარიალის ხეობაში საკუთარი ავტომანქანებით იმყოფებიან, ვერ წყვეტენ, დატანხმდნენ თუ არა ევაკუაციას მანქანების გარეშე.
ამ დროისთვის უგზო-უკვლოდ დაკარგულად ითვლება მინიმუმ, ექვსი ადამიანი. დარიალის ხეობაში იმყოფებიან პრეზიდენტი გიორგი მარგველაშვილი, პრემიერი ირაკლი ღარიბაშვილი, ვიცე-პრემიერი კახა კალაძე, შს მინისტრი ალექსანდრე ჭიკაიძე, საქართველოს შეიარაღებული ძალების გაერთიანებული შტაბის ხელმძღვანელი, გენერალი კაპანაძე, მცხეთა-მთიანეთის გუბერნატორი.
როგორც გენერალი კაპანაძე აცხადებს, შეირაღებული ძალების ინჟინერ-კონსტრუქტორთა ჯგუფი ახდენს რეკოგნოსტირებას და სწავლობს ტერიტორიას, ასვე, არმიის კუთვნილი ვერტმფრენები ჩაებნენ სამაშველო და საევაკუაციო სამუსაოებში.
ადგილზე შექმნილია საგანგებო შტაბი, რომელსაც შს მინისტრი უხელმძღვანელებს. პრემიერმინისტრის განცხადებით, ყველაფერი კეთდება, რათა სტიქიის შედეგად დაზარალებულთა დახმარება დროულად მოხდეს.