2020-04-10 18:06

 ამ ეტაპზე მასობრივი ტესტირების ჩატარება არ იგეგმება-ამის შესახებ ტელეკომპანია „იმედის“ გადაცემაში „დღის ქრონიკა“ ჯანდაცვის მინისტრმა, ეკატერინე ტიკარაძემ განუცხადა.

„ამ ეტაპისთვის ჩვენი ანალიზის საფუძველზე მასობრივი ტესტირების ჩატარება არ იგეგმება, თუმცა თქვენ იცით, რომ გავაფართოვეთ ალგორითმი და უკვე ვახორციელებთ ტესტირებას იმ სეგმენტებში, სადაც შეიძლება ვირუსის გავრცელების მაღალი რისკი იყოს. ამით ჩვენ პრევენციულად ვმართავთ ეპიდმდგომარეობას ქვეყანაში. ძალიან მნიშვნელოვანია, რომ სეგმენტურად მოხდეს ყველაფრის გააანალიზება და დროულად აღმოვაჩინოთ ცხელი წერტილები და ის მომენტი, როდესაც მასობრივ ტესტირებაზე გადასვლა შეიძლება გახდეს საჭიროს. ამ ეტაპისთვის ეს დღის წესრიგში არ დგას, თუმცა არც ისაა გამორიცხული, რომ ეს რამდენიმე დღეში გახდეს საჭირო“, - განაცხადა ტიკარაძემ.