-
2015-07-08 20:46
კიევის ახალი პატრულ-პოლიციელების გამოჩენიდან მეორე დღეს ინტერნეტში უკვე გაჩნდა მათი საქმიანობის ამსახველი ვიდეოები და უბრალოდ, ისტორიები.
ვიდეოში, რომელსაც "აფხაზეთის ხმა" წარმოგიდგენთ, კარგად ჩანს კიეველი პოლიციელების გულისხმიერი დამოკიდებულება მძღოლთან, რომელსაც მანქანის ძრავი ჩაუქრა და ადგილიდან ვერ ძრავს - მას ეკიპაჟის ორივე პოლიციელი დაეხმარა და ძრავა აამუშავებინა, რის შემდეგაც თბილად დაემშვიდობნენ.
კიევის ერთერთ გარეუბანში, მილიციის განყოფილების ძველი თანამშრომლების ხმაურისა და უცენზურო ფრაზების აღსაკვეთად ახლოს მცხოვრებლებმა პატრული გამოიძახეს. ამ შემთხვევის თვითმხილველი უკრაინელი მსახიობი და ტელესახე გახდა, რომელმაც დაწვრილებით აღწერა, როგორ გააფრთხილეს სიტყვიერად ახალმა პოლიციელებმა ძველები: "როგორც კი ახალი პატრული გამოჩნდა, ძველი პოლიციელები უკანმოუხედავად გაიქცნენ, ადგილზე მხოლოდ რამდენიმე დარჩა, რომლებიც ახლებმა თავაზიანად გააფრთხილეს", - წერდა ტელეწამყვანი.
ჩამქრალი ძრავის გამო გაჩერებული მანქანის მძღოლის დახმარების კადრები კიევში ერთ-ერთმა მოქალაქემ საცხოვრებელი კორპუსის მაღალი სართულიდანაც გადაიღო, ხოლო შს მინისტრის მოადგილემ ეკა ზღულაძემ პატრულის ამოქმედების შემდეგ ჩატარებულ პირველ ბრიფინგზე განაცხადა, რომ ის კმაყოფილია პატრულის მუშაობის პირველი ორი დღით.
მისი თქმით, ხალხში არსებობდა შეკითხვები, რას აპირებდა პატრული ცნობილებთან მიმართებაში, გამოიუწერდა თუ არა ჯარიმას ჩინოვნიკებს და ა.შ, ამაზე კი პასუხი ამ დღეებმა გასცა: "პატრულმა დააჯარიმა პროკურორიც და რადას წევრიც", - სიცილით თქვა ეკა ზღულაძემ, თუმცა, დაჯარიმებულთა ვინაობის დასახელებაზე უარი განაცხადა.