2015-06-15 19:09

ბავშვთა ქალაქ "მზიურის" ტერიტორიაზე შლამში ჩაფლული სასწრაფო დახმარების მანქანა იპოვეს, სავარაუდოდ, მანქანაში ცხედრებია. ინფორმაციას "კვირა" ავრცელებს.

განახლებულია 21:43:53

ვერსია, რომ სასწრაფო სამედიცინო დახმარების ამ მანქანაში მოქალაქეები იმყოფებოდნენ და არის მსხვერპლი, თუმცა ინფორმაცია ამის შესახებ ამ ეტაპზე არ დასტურდება. როგორც "რუსთავი 2-ს" სასწრაფო დახმარების საზოგადოებასთან ურთიერთობის სამსახურში განუცხადეს მანქანაში არავინ არ იჯდა და ის უხვად მოვარდნილმა წყალმა სასწრაფოს სადგომიდან ვერეს ხეობაში ჩაიტანა.

გამოცემა "მზიურში" გადაღებულ ფოტოებსაც აქვეყნებს. ამავე პორტალის ინფორმაციით, ასევე, "მზიურის" ტერიტორიაზე კიდევ ერთი ახალგაზრდა მამაკაცის ცხედარია ნაპოვნი, რომლის იდენტიფიცირება ჯერ არ მომხდარა. 

საქართველოს ჯანდაცვის სამინისტრო "მზიურში" მიწაში ჩაფლული სასწრაფო დახმარების მანქანა აღმოჩენას ეხმაურება. უწყების ინფორმაციით, სასწრაფო დახმარების ბრიგადამ მანქანიდან გადმოსვლა მოასწრო და სტიქიის შემდეგ მედპერსონალიდან არავის ეძებდნენ. სამინისტროს ცნობით, სასწრაფოს ბრიგადის წევრები დაკარგულად არ ითვლებოდნენ.