2014-02-07 20:06

მწერალ ჭაბუა ამირეჯიბის გარდაცვალებიდან ორმოცი დღის აღსანიშნავი სუფრის დროს თამადას – ლაშა თაბუკაშვილსა და ბიძინა ივანიშვილს შორის შეკამათება მოხდა.

ექსკლუზიურ ინფორმაციას "ზონანიუსი" ავრცელებს, რომელსაც ლაშა თაბუკაშვილი გამოცემასთან სატელეფონო საუბარში ადასტურებს. ლაშა თაბუკაშვილი ადასტურებს ასევე ფაქტს, რომ კამათი მასსა და ივანიშვილს შორის მოჰყვა პატრიარქის სადღეგრძელოს, რომელიც თაბუკაშვილმა წარმოთქვა და ალავერდს ბიძინა ივანიშვილთან გადავიდა, რომელმაც განაცხადა, რომ პატრიარქის ასე გაფეტიშება გადაჭარბებულია:

„მან თქვა, რომ პატრიარქის მიმართ მრევლის დამოკიდებულება ზოგჯერ სცდება საზღვრებს, რაშიც მე არ დავეთანხმე და ვუთხარი, რომ პატრიარქი ამას იმსახურებს. არასწორია, თითქოს მან ამის შემდეგ სუფრა დატოვა – კიდევ დაახლოებით საათნახევარს ვისხედით და ვსაუბრობდით“, – განუცხადა „ზონანიუსს“ ლაშა თაბუკაშვილმა.