რატომ გამოდის ხშირად მწყობრიდან ჰაწვალის საბაგირო გზა და რატომ არ გაშუქდა „მედიალამპრობა-2015“?

Image

„ქრონიკა+“ ექსკლუზიურად აქვეყნებს მასალას, სადაც აღნიშნულია, რომ მესტიასთან, ჰაწვალში დაგეგმილი სათხილამურო ტურნირი მედიის წარმომადგენელთა მონაწილეობით, სკანდალურად ჩაიშალა.

 

გამოცემა ჰაწვალის საბაგირო გზის ხშირ გაფუჭებას, ადგილობრივთა ინფორმაციაზე დაყრდნობით, მესტიის მაჟორიტარ დეპუტატთან, ვიქტორ ჯაფარიძესთან აკავშირებს:

 

„რატომ შეიცვალა დაგეგმილი მედიატურნირის ჩატარების ადგილი ბოლო მომენტში? რატომ არ გაშუქდა არცერთი მედიასაშუალებით „მედიალამპრობის“ დეტალები? რა მოხდა ჰაწვალში?

 

საქმე ის გახლავთ, რომ ტურიზმის დეპარტამენტისა და მესტიის მუნიციპალიტეტის ერთობლივი პროექტი, რომლის მედიაპარტნიორი, სხვა მედიასაშუალებებთან ერთად, ბერას ტელევიზია „ჯიდიესიც“ იყო, 21 თებერვალს, ჰაწვალში უნდა ჩატარებულიყო.

 

ჰაწვალი ვისაც არ ახსოვს, შევახსენებთ: ეს სწორედ ის კომპლექსია, რომელიც 2010 წელს სააკაშვილმა გახსნა, ხოლო 2013 წელს - ირაკლი ღარიბაშვილმა. დიახ, სწორედ ის, გიორგი გაბუნიამ რომ ცნობილი ფრაზით მიმართა კომპლექსზე ასულ მთავრობის წევრებს: „ისრიალეთ, მაგრამ არ მოსრიალდეთ“... როგორც ჩანს, „კურიერის“ წამყვანის გაფრთხილება ხელისუფლების წარმომადგენლებმა ყურად არ იღეს და მოსრიალდნენ...

 

ჰაწვალი მესტიიდან 8კმ-ში, 2500 მეტრის სიმაღლეზე მდებარეობს და იქვეა  მაღალი ტურისტული პოტენციალის მქონე ჰაწვალი-ზურულდის სათხილამურო კომპლექსი.

 

კურორტზე სამი სათხილამურო ტრასაა, რომელთა გამოყენება არა მხოლოდ მოყვარულებისთვის, არამედ სპორტული შეჯიბრებებისთვისაც არის შესაძლებელი.

 

I- ტრასის სიგრძე 1900მ. ტიპი : წითელი (საშუალოზე რთული, სპორტული)

II- ტრასის სიგრძე 2565მ. ტიპი : ლურჯი (საშუალო სირთულის)

მოყვარული მოთხილამურეებისთვის :

I-სათხილამურო ტრასა 400მ.

II-სათხილამურო ტრასა 450მ.

 

ამ მონაცემების გათვალისწინებით, საქართველოს მთავრობამ გადაწყვიტა, წელს ჟურნალისტების ნაწილი კიდევ უფრო მოემადლიერებინა და ისინი სვანეთში წაასხა. ტურნირში 50-ზე მეტი ჟურნალისტი მონაწილეობდა, მაგრამ მასზე სიუჟეტი, რატომღაც, ვერცერთი ტელევიზიის ტოპ-ტაიმში, ანუ საინფორმაციო გამოშვებაში ვერ მოხვდა.

 

ამის მიზეზი ის გახდა, რომ ტურნირის სრულყოფილად ჩატარებისთვის აუცილებელი ატრიბუტი - საბაგირო გზა გამოვიდა მწყობრიდან, მთავარ ტრასაზე, სადაც ტურნირი უნდა ჩატარებულიყო, ვერც მონაწილეები ავიდნენ და ვერც ორგანიზატორები, ამიტომაც „მედიალამპრობა-205“ სამოყვარულო სათხილამურო ტრასაზე ჩაატარეს, რომლის სიგრძე მხოლოდ 300 მეტრი გახლავთ. ორგანიზატორებმა და ზოგადად, მთავრობამ მიიჩნია, რომ ამ ღონისძიების გაშუქება არ ღირდა... აბა, იმას ხომ არ უჩვენებდნენ, ე.წ. კანატკას ტრაქტორით როგორ მიათრევდნენ...

 

კაცმა რომ თქვას, მერე რა მოხდა, არა? ტექნიკაა, მწყობრიდან გამოვიდა - ეგეთები მომხდარა? მაგრამ იმის მიუხედავად, რომ სვანები სულაც არ არიან ეჭვიანები ბუნებით, მესტიაში ამბობენ, რომ ჰაწვალის საბაგირო გზის ხშირად გამოსვლა მწყობრიდან სულაც არაა შემთხვევითი. ადგილობრივთა ნაწილი ამტკიცებს, რომ ამ მწყობრიდან გამოსვლის უკან, არც მეტი, არც ნაკლები, ვიქტორ ჯაფარიძე დგას.

 

რასაკვირველია, ჩვენ ხელაღებით ვერავის ვერაფერს დავაბრალებთ, მაგრამ ადგილობრივ მოსახლეობაში რომ ეს აზრი არსებობს, ალბათ, თავად ბატონი ვიქტორისთვისაც არ იქნება სიურპრიზი...

 

სანამ შეკითხვას დასვამთ, თავად მე ვიკითხავ თქვენი სახელით: რაში აძლევს ხელს ვიქტორ ჯაფარიძეს საბაგირო გზის ხშირი გამოსვლა მწყობრიდან? სვანებს პასუხი აქაც აქვთ: იმიტომ, რომ წყობრიდან ხშირად გამოსვლის გამო საქართველოს მთვარობამ განაცხადოს, რომ ამ ტრასის შენახვა ძვირი ჯდება და ის გაასხვისოს, ანუ კერძო საკუთრება გახადოს... ვინ იყიდის საბაგიროს ასეთ შემთხვევაში? რა თქმა უნდა, ვიქტორ ჯაფარიძე, რომელიც ამისთვის წინასწარ ყოფილა მომზადებული... თანაც, მარტო საბაგირო ხომ არ არის, ჰაწვალთან იმხელა კომპლექსია აშენებული, მისი ხელში ჩაგდება ნებისმიერი ბიზნესმენის ოცნება იქნებოდა... „- წერს „ქრონიკა+“.

 

 

HAWVALL.jpg

 

HAWVAL4.jpg

 

HAWVAL1.jpg

 

რედაქტორის რჩევით

რადიო "დარდიმანდი" იუბილარია

2020-06-02 12:21
რადიო "დარდიმანდი" იუბილარია", რადიო “დარდიმანდი” 2011 წელს დაარსდა.

ნინოობას პატრიარქი საზეიმო წირვას სიონის საკათედრო ტაძარში აღავლენს

2020-06-01 11:14
დღეს, 1-ელ ივნისს, ნინოობის დღესასწაულთან დაკავშირებით წირვა-ლოცვას სრულიად საქართველოს...

საქართველოში დღეიდან ყველა სახის ღია მაღაზია, მათ შორის მოლები იხსნება

2020-06-01 11:12
დღეიდან საქართველოში ყველა სახის ღია მაღაზია, მათ შორის მოლები იხსნება. შესაბამისი...

საქართველოში კორონავირუსით ინფიცირების 11 ახალი შემთხვევა გამოვლინდა, გამოჯანმრთელებულთა რიცხვი კი 19-ით გაიზარდა

2020-06-01 11:10
საქართველოში კორონავირუსით ინფიცირების შემთხვევათა რაოდენობა 11-ით გაიზარდა და 794 გახდა. ამის...
რჩეული ვიდეოები

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

კნუტების გასეირნება ჯორჯიის ცარიელ აკვარიუმში(ვიდეო)

2020-04-10 12:52
აშშ-ში, კორონავირუსის გამო დახურული ჯორჯიის აკვარიუმი ცხოველებისთვის ექსკურსიების მოწყობას...

ხანძარი გემზე - ქართველმა მეზღვაურებმა ეკიპაჟის 12 წევრი გადაარჩინეს(ვიდეო)

2020-04-09 12:47
 ქართველმა მეზღვაურებმა ეკიპაჟის 12 წევრი გადაარჩინეს-ხომალდზე ხანძარი წუხელ გაჩნდა. სამაშველო...

გამოკითხვა

როგორ შეაფასებთ სახელმწიოფოს მუშაობას "კორონა ვირუსისი" წინააღმდეგ?


ვალუტა

1
EUR
 - 
3.4626
0.0740
100
RUB
 - 
4.4772
0.0254
1
USD
 - 
3.1172
0.0589