-
2018-02-13 17:47
საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველო“-ს მხარდაჭერით კომპანია „ლიდერფუდმა“ წარმოების გაფართოება შეძლო, რომელიც საქართველოს პირველმა ვიცე-პრემიერმა და ეკონომიკის მინისტრმა დიმიტრი ქუმსიშვილმა გახსნა.
აღსანიშნავია, რომ საწარმო, რომლის მშენებლობაც გასულ წელს დასრულდა, მდებარეობს მცხეთაში, ეკოლოგიურად სუფთა გარემოში , რაც მნიშვნელოვან როლს თამაშობს ქვეყნის რეგიონალურ განვითარებაში. საწარმოს სრული ფართი შეადგენს 1 ჰექტარს და დასაქმებულია 550 ადამიანზე მეტი.
თანამედროვე საწარმო აღჭურვილია მაღალტექნოლოგიური საწარმოო დანადგარებით, რომლის საშუალებით, კომპანია ევროპული სტანდარტების სრული დაცვით აწარმოებს პროდუქციას. „ლიდერფუდი“ დღეისათვის ხორცით მარაგდება გერმანიიდან , მსოფლიოში ერთ-ერთ უმსხვილეს ხორცის მომწოდებლისგან „ტონიში“, რაც ასევე მნიშვნელოვანი ფაქტორია ბაზრის უსაფრთხო პროდუქციის მომარაგების კუთხით.
ახალ საწარმოში გადასვლის შემდეგ კომპანიამ დაიწყო სურსათის უვნებლობის, მენეჯმენტის სისტემების შემუშავება და დანერგვა, რაც გულისხმობს საერთაშორისო ხარისხის სტანდარტების, კერძოდ: FSSC 22000:2005 მიღებას, რომელიც აერთიანებს ISO 22000, ISO 22002.1, ISO 9001 სერტიფიკატებს.
კომპანია გაზრდილი საწარმოო შესაძლებლობიდან გამომდინარე გეგმავს გაზარდოს ადგილობრივი, ქართული ხორცის წილი წარმოებაში, რაც ქართველი ფერმერების საქმიანობის განვითარებასაც შეუწყობს ხელს.
შპს „ლიდერფუდი“ საქართველოს ეკონომიკისა და მდგრადი განვითარების სამინისტროს პროგრამის „აწარმოე საქართველოში“ ფარგლებში ფინანსური კომპონენტით სარგებლობს, რაც იმას ნიშნავს, რომ პირველი 2 წლის განმავლობაში სესხის პროცენტის თანადაფინანსებას სსიპ „აწარმოე საქართველოში“ განახორციელებს.
სააგენტოს “აწარმოე საქართველოში“ ხელშეწყობით განხორციელებული პროექტის ინვესტიციის ჯამური მოცულობა 22 მილიონ ლარს შეადგენს, საიდანაც კომპანია ლიდერფუდის შიდა ინვესტიცია 17 მილიონი ლარია.
სტატია სარეკლამო დანიშნულებისაა