2013-10-28 17:56

საქართველოს უშიშროების საბჭოს მდივანი გიგა ბოკერია და პრეზიდენტის რწმუნებული გუბერნატორი სამეგრელო-ზემო სვანეთის მხარეში თენგიზ გუნავა თანამდებობას ტოვებენ.

ისინი განცხადების დაწერას ქვეყნის ახალი პრეზიდენტის ინაუგურაციამდე აპირებენ.

თენგიზ გუნავა ამბობს, რომ იგი აქტიურ პოლიტიკაში რჩება და პოლიტიკურ მოღვაწეობას პარტიული საქმიანობით გააგრძელებს. ეს მან დღეს თბილისის საქალაქო სასამართლოში, ბაჩო ახალაიასთვის განაჩენის გამოცხადების შემდეგაც დაადასტურა: „ვაპირებ ბრძოლას, სანამ ესენი არ მოშორდებიან ხელისუფლებას ამ ქვეყანაში“.

თენგიზ გუნავას განცხადებით, მისი სამომავლო საქმიანობა სავარაუდოდ "ნაციონალური მოძრაობის" სამეგრელოს რეგონის პარტიული წარმომადგენლობის ხელმძღვანელობას დაუკავშირდება.

თენგიზ გუნავა "ერთიანი ნაციონალური მოძრაობის" პოლიტიკური საბჭოს წევრიცაა.