რუსი ექსპერტები თვლიან, რომ მიხეილ სააკაშვილის პარტიას ჯერ კიდევ აქვს პოტენციალი, ხოლო მმართველი კოალიცია გახლეჩვის საფრთხის ქვეშ დგას.
ცენტრალური აზიის შესწავლის ცენტრის სამუშაო პროგრამების კოორდინატორი ალექსანდრე სკაკოვი მიიჩნევს, რომ პარტია „ერთიანი ნაციონალური მოძრაობის სათვალავიდან ჩამოწერა ჯერ ადრეა. „მას კიდევ აქვს თავისი პოტენციალი", _აცხადებს სკაკოვი.
მისივე თქმით, საქართველოს პრემიერი ბიძინა ივანიშვილი თავის თანამდებობას ტოვებს იმიტომ, რომ ის ვერა და ვერ გახდა „თავისიანი დასავლეთისა და ამერიკისათვის", _ აცხადებს სკაკოვი.
მოსკოვის საერთაშორისო ურთიერთობათა სახელმწიფო ინსტიტუტის საერთაშორისო ურთიერთობათა კათედრის სპეციალისტი ნიკოლაი სილაევი კი აცხადებს, რომ „ქართული ოცნება“ გახლეჩვის საფრთხის პირასაა.
მისივე თქმით, „ერთიანმა ნაციონალურმა მოძრაობამ" ამ არჩევნებზე მთელი თავისი ელექტორატის მობილიზება შეძლო. „ორგანიზაციულად პარტია „ქართულ ოცნებაზე" უკეთ არის განვითარებული. „ერთიანი ნაციონალური მოძრაობა" ქართულ პოლიტიკაში ჯერ კიდევ მნიშვნელოვან ფაქტორად რჩება და მისი იგნორირება არ შეიძლება", _ განაცხადა ექსპერტმა.