2014-08-08 11:55

აღიშნულის თაობაზე განცხადება გენერალური შტაბის უფროსმა ვახტანგ კაპანაძემ გააკეთა.  მისი თქმით, თავდაცვის სამინისტროში დოკუმენტზე მუშაობა უკვე დასრულებულია და ახლა შესაბამის უწყებებში მისი შესწავლა მიმდინარეობს.

„ეს მოკვლევა არ იყო, ეს უფრო არის ომის შესწავლა სამხედრო თვალსაზრისით. დოკუმენტი დასრულებულია. ახლა მიმდინარეობს მისი შესწავლა სამინისტროში და შესაბამის უწყებებში და ალბათ, უახლოს დღეებში გამოქვეყნებული იქნება დოკუმეტის ის ნაწილი, რაც შეიძლება იყოს საჯარო.

ჩვენ არავის ბრალეულობას არ ვიკვლევდით, ჩვენ ვსწავლობდით თუ როგორ ვითარდებოდა საომარი მოქმედებები, რამდენად სწორი იყო გარკვეული ბრძანებები, რამდენად ადეკვატური იყო შესაბამისი მოქმედებები.

ასე რომ, ეს არის სამხედრო თვალსაზრისით, ოპერატიულობის თვალსაზრისით შესწავლილი სამხედრო მოქმედებები”,- განაცხადა ვახტანგ კაპანაძემ.