2014-08-02 23:01

საქართველოს ყოფილმა პრეზიდენტმა გადაცემა ,,აქცენტებში“ ბადრი პატარკაციშვილის შესახებ ისაუბრა.

მიხეილ სააკაშვილის თქმით, მას ჰქონდა ინფორმაცია, რომ ბიზნესმენი საქართველოში სახელმწიფო გადატრიალებას რუსული ,,ფსბ“-ს მეშვეობით გეგმავდა.

,,არანაირი გარიგება პატარკაციშვილთან არ ყოფილა, მან ჩვენგან ვერანაირი ქონება ვერ წაიღო. რუსეთში მას არ უშვებდნენ, მაგრამ რუსეთს ის არ ჰყავდა საერთაშორისო ძებნაში გამოცხადებული. მაგალითად, ივანოვი რომ ჩამოვიდა თბილისში, მთელი ღამე იყო ბადრისთან სახლში.

ყველა ჩამოდიოდა ბადრისთან, ის ფორმალურად წამოსული იყო რუსეთიდან, მაგრამ ჰქონდა ძალიან კარგი ურთიერთობები, განსხვავებით ბერეზოვსკისგან.

2007 წელს დსთ-ს ერთ-ერთმა ლიდერმა შემატყობინა, დრო მოვა და ვიტყვი ვინც არის ეს ლიდერი, მაგრამ არ მინდა ახლა პრობლემები შევუქმნა. მანვე შემატყობინა, რომ  ბადრი პატარკაციშვილი რამდენჯერმე შეხვდა ფსბ-ს გენერალს, ჩავიდა, როგორც ოლიმპიური კომიტეტის თავმჯდომარე. როცა ჰკითხეს ბადრის, თუ რატომ აკეთებდა ამას, უპასუხა, როცა პუტინს  შევხვდები, მას ვეტყვიო.

როცა შეხვდა დსთ-ს ეს ლიდერი პუტინს,  მითხრაო, რომ მალე პატარკაციშვილი იქნება საქართველოს ლიდერი, სააკაშვილს დაამხობსო.

ეს არის ის, რაც მან მე მითხრა. ამ შეხვედრების შესახებ ვიცოდი მე“, - განაცხადა სააკაშვილმა.