2014-06-17 14:41

კოალიცია “ქართულმა ოცნებამ” ასარჩევი 1049 მაჟორიტარული მანდატიდან 811 დეპუტატი გაიყვანა, რაც საერთო რაოდენობის 77,31%-ს შეადგენს. ასეთია წინასწარი მონაცემები.

მეორე ადგილზე გავიდნენ საინიციატივო ჯგუფის კანდიდატები, რომელთა რაოდენობა 128 დეპუტატი – 12,20%-ია. მესამე ადგილზეა “ერთიანი ნაციონალური მოძრაობა” – 64 მაჟორიტარი (6,1%).

პირველად მონაცემებით, შემდეგი ადგილები ასე ნაწილდება: კოალიცია “ნინო ბურჯანაძე – ერთიანი ოპოზიცია” 28 მაჟორიტარი (2,67%), არასაპარლამენტო ოპოზიცია (კახა კუკავა, ფიქრია ჩიხრაძე) – 4 მაჟორიტარი (0,38%), საქართველოს პატრიოტთა ალიანსი – 3 მაჟორიტარი (0,29%), “ქართული პარტია” – 3 მაჟორიტარი (0,29%), საქართველოს ძალოვან ვეტერანთა მოძრაობა – 2 მაჟორიტარი (0,19%), “ლეიბორისტული პარტია” – 1 მაჟორიტარი (0,1%), ქდპ – 1 მაჟორიტარი (0,1%) და სხვა – 4 მაჟორიტარი (0,38%).