2014-06-16 17:59

როგორც გაზეთი „ქრონიკა" წერს, სარწმუნო წყარომ მიაწოდა ინფორმაცია, რომლის თანახმადაც საქართველოს კათალიკოს-პატრიარქმა ილია მეორემ ბიზმესმენ ბიძინა ივანიშვილის შეუთვალა, პოლიტიკაში დაბრუნდი და შენი მოყვანილი გუნდი შენვე მართეო.

„ილია მეორეს ბიძინა ივანიშვილისთვის შეუთვლია - შენ მიერ დატოვებულმა გუნდმა აშკარად ვერ გაამართლა, „ნაციონალებს" ქვეყანა უფსკრულისკენ მიჰყავდათ, ეს ვიცოდი და რითაც შემეძლო იმით ვაკავებდი, ამათ კი საით მიჰყავთ ქვეყანა ვერც მე გავუგე და თავადაც ვერ გაუგიათ.

ვიდრე ყველანი დიდ შარში არ გავხვეულვართ, მოდი, პოლიტიკაში დაბრუნდი და შენ მიერ მოყვანილი გუნდი თავადვე მართეო. პატრიარქს ისიც შეუთვლია ივანიშვილისთვის, რომ მის ხელთ არსებული უტყუარი ინფორმაციით, „ნაცმოძრაობა" ქვეყანაში სამოქალაქო დაპირისპირების გამოსაწვევად აქტიურად მუშაობს, ამაზე ხელის აღებას არ აპირებს და საამისოდ ძალიან დიდ ფულსაც ხარჯავს.

თუ ქვეყანაში სამოქალაქო ომი დაიწო, ეს ქვეყნის დასასრული იქნება და მოდი, ეს საფრთხე ერთად შევაკავოთ და გავანეიტრალოთო. ივანიშვილი მზად ყოფილა, პატრიარქს შეხვდეს და მასთან ყველა საჭირო თემა განიხილოს.

ის საკითხი, რომ ივანიშვილი პატრიარქს შეხვედრაზე დასთანხმდა, სადაც მისი პოლიტიკაშიდაბრუნების საკითხი უნდა განიხილონ, (მეტიც, შესაძლოა, ამ შეხვედრაზე ეს საკითხი დადებითადაც კიგადაწყდეს), ცალსახად ადასტურებს , რომ ივანიშვილი პოლიტიკაში დაბრუნებას სერიოზულად ფიქრობს", - წერს გამოცემა.

„ქრონიკა“